![Республикалық бюджет. Жыл басынан бері 58,4 млрд теңге игерілмеген](/article_photo/1528785974_article_b.jpeg)
«Республикалық бюджет шығыстары 3 684,5 млрд теңгеге игерілді. Игерілмеу сомасы 58,4 млрд теңгені құрады», - дейді Бақыт Сұлтанов.
Қаржы министрінің баяндамасына құлақ ассақ, қаңтар-мамыр аралығында игерілмеген ең үлкен қаражат келесі ведомстволарда қалыптасқан: Қорғаныс министрлігі - 17,2 млрд теңгені, Ауыл шаруашылығы министрлiгi - 8,5 млрд теңгені, ал Iшкi iстер министрлiгi 5,4 млрд теңгені игере алмаған. Бұл ретте Мәдениет және спорт министрлігінің үлесі 7,8 млрд теңгені, Қаржы министрлiгiнің үлесі 3,3 млрд теңге, Ұлттық қауiпсiздiк комитетiнің игерілмеген сомасы 3,4 млрд теңгені, Жоғарғы соттың үлесі 1,8 млрд теңгені құраған.
Министрдің айтуынша, 1 маусымдағы жағдай бойынша 178,6 млрд теңгеге міндеттемелер қабылданып, қазынашылықта тіркелген. 96,9 млрд теңгеге әлі де болса міндеттемелер қабылданбаған.
«Оның ішінде 83,9 млрд теңгесі Инвестиция және даму министрлігі бойынша 25 автожол жобаларының құрлысын салуға келеді. Осы соманың 46,1 млрд теңгесіне 12 маусымға шетелдегі мердігерлермен қаржылық келісімшарттарға қол қойылды. Өткен жиналыста айтылғанындай, 13 жобаға бөлінген 42,9 млрд теңгенің игерілмеу қаупі бар», - дейді Бақыт Сұлтанов.