Энергетика министрі халық алдында есеп берді

Энергетика министрі Қанат Бозымбаев халық алдында есеп беру кездесуін өткізді. Өзінің баяндамасында ведомство басшысы энергетика саласында атқарылған жұмыстар, жетістіктер және болашақ жоспарлар, сонымен қатар өткен жылда іске асырылған жұмыстардың нәтижесіне тоқталып өтті.

Егемен Қазақстан
19.06.2018 6307
2

Министр министрліктің қызметі 3 стратегиялық бағытқа негізделгенін алға тартып, бірінші, мұнай-газ және мұнайгаз-химия салалары, екіншісі, электр энергетика, көмір және атом энергиясын пайдалану салаларын дамыту, үшіншісі, қоршаған ортаны қорғауды жақсарту екенін жеткізді.

Сонымен қатар ол Газ өнеркәсібін дамыту және газдандыру мәселесі министрліктің күн тәртібіндегі маңызды саланың бірі екенін атап өтті.

«Елді газдандыру деңгейі шамамен 47,4 пайызды құрайды. 1300-ден астам елді мекен газға қол жеткізді. Республикалық бюджеттен газдандыруға жыл сайын шамамен 13 млрд. теңге бөлінуде. Бүгінде, 16 өңірдің ішінде орталық және солтүстік өңірлері ғана газдандыру схемасынан техникалық шектеулерге байланысты тыс қалып отыр. Елбасының Бес әлеуметтік бастамасының арқасында Астана, Қарағанды және Ақмола облыстарын газдандыру мәселесі шешілуде. Биыл шілде айының басында «Сарыарқа» магистральдық газ құбырын салтанатты ашу жоспарлануда. «Қызылорда-Жезқазған-Қарағанды-Теміртау-Астана» бағыты бойынша бірінші кезең 2019 жылдың желтоқсан айына дейін аяқталады. Бірінші кезеңінің шамамен құны 267  млрд-тан астам теңгені құрады. Қарағанды, Ақмола облыстары мен Астана қаласы әкімдіктері магистралды газ құбыры мен аймақтық желілер құрылысының мерзімін ескере отырып, инфрақұрылым құрылысы үшін Жол картасын әзірледі. Бірініші кезеңде газ құбыры бойынша 171 елді мекен қамтылып, 2,7 миллион адам газбен қамтамасыз етіледі. Елорда тұрғындары үшін, ең алдымен, газды «Көктал-1,2», «Железнодорожный», «Юго-Восток» аудандарына, және бірінші, екінші, үшінші Жылу электростанцияларына жеткізу жоспарлануда. Сұйытылған мұнай газын бағалау және бөлу тетігін жетілдіру үшін электронды сауда алаңын енгізу жоспарланды. Қазір заңнамалық нормалар әзірленді. Заң жобасы Парламент Сенатында қаралуда», деді Қ.Бозымбаев.

Министрліктің тағы бір назарын аударударатын маңызды бағыты мұнай-газ химия өнеркәсібі екені белгілі.

«Жылдан жылға битум өндірісінің көлемі артып, ішкі сұранысты толық қамтамасыз етуде. 2017 жылы 731 мың тонна битум өндірілді, бұл 2016 жылмен салыстырғанда екі есеге көп. 2018 жылға 750 мың тонна битум шығару жоспарлануда. 500 мың тонна полипропилен және 1 250 000 тонна полиэтилен өндіретін ірі жобаларды жүзеге асыру жалғасуда. Полипропилен жобасының құрылыс кезеңі іске асырылуда. Ал,полиэтилен жобасы бойынша стратегиялық әріптесі - австриялық Borealis компаниясымен техникалық-экономикалық негіздеме әзірленуде. Екі жобаға инвестиция көлемі 9 миллиард доллардан асады. Құрылыс кезеңінде шамамен 10 мың жұмыс орны және жұмыс берілген кезде 1000-нан астам жұмыс орындар пайда болады. Статистикаға сәйкес, біздің полипропилен импортымыз  22,4 мың тонна, полиэтилен - 122 мың тоннаны құрайды. Бүгінде елімізде полимерден өнім шығаратын шамамен 44 ірі және орта кәсіпорын бар. Олар жалпы алғанда 176 млрд. теңгені құрайды. Бұл кәсіпорындарда 5000-нан астам адам жұмыс істейді», деді ол.

Сонымен қатар, Энергетика министрі Қанат Бозымбаев Бірыңғай электр энергетикасы жүйесіндегі жағдай тұрақты, бүгінде тұтыну көлемінің ұлғаюынан өндірілетін электр энергиясының көлемі артып келе жатқанын жеткізді.

«Электр энергияны өндіру көлемі 46,4 млрд. кВт.сағ құрады. Бұл 2017 жылдың сәйкес кезеңіне қарағанда 7,7 пайыздық  өсім көрсетті. Энергия өндіруші компаниялардың сыйымдылық резервінің болуы 2025 жылға дейін экономиканың болашақ сұранысын электр энергиямен  қамтуға мүмкіндік береді. Айта кету керек, біз энергия өндіруші компаниялардың шекті тарифтерін қайта қарау бойынша жұмыстар жүргізудеміз. Бүгінгі таңда, шекті тарифтерді төмендету бойынша ұсыныстар Үкімет қарауында. 2018 жылдың соңына қарай «Нұрлы жол» бағдарламасы бойынша, Солтүстік-Шығыс-Оңтүстік жоғары вольтты электр беру желісі құрылыс жобасының екінші кезеңі аяқталады. Аталған жоба елдің оңтүстік өңірлерінің электр сапасын жақсартады. Көмір өнеркәсібінде де өсім байқалады. Осы жылдың 5 айында 44,5 млн. тонна көмір өндірілді. Бұл өткен жылдың сәйкес кезеңімен  салыстырғанда 4,5 пайыздан жоғары.2017 жылы жоспар көрсеткішінен 5,7 пайызға артық яғни 23,4 мың тонна уран өндірілді. Уран өндірудің осы жылғы жоспары 21,6 мың тонна көлемінде», деді ведомство басшысы.

Рауан ҚАЙДАР,
«Егемен Қазақстан»

СОҢҒЫ ЖАҢАЛЫҚТАР

21.02.2019

«Астана Банкі» клиенттеріне 35,2 млрд теңге кепілді өтемақы төленді

21.02.2019

Рүстем Құрманов «ҚазАгро» басқарма төрағасы лауазымынан босатылды

21.02.2019

Н.Нығматулин Аустрия Парламенті Ұлттық Кеңесінің Төрағасы В.Соботкамен кездесті

21.02.2019

Ресми бөлім(21.01.2019)

21.02.2019

Қазақстандық мектеп оқушылары 2020 жылы Қытайда өтетін Дүниежүзілік гимназиадаға қатысады

21.02.2019

Омыртқа қарсаңындағы оғаш әңгіме

21.02.2019

Пушкин портреттері

21.02.2019

Мүмкіндігі шектеулілерге – шексіз көмек

21.02.2019

Smart-өмір – елді цифрландыру

21.02.2019

Қазақстан экспортшыларына ҚХР, БАӘ және Иран нарықтарына шығу жеңілдейді

21.02.2019

Сенаторлар «Дактилоскопиялық және геномдық тіркеу туралы» Заңды іске асыру мәселелерін талқылады

21.02.2019

Жас таланттар жарқылы

21.02.2019

Барыстың плей-оффтағы қарсыласы анықталды

21.02.2019

Tyıym men tıyn

21.02.2019

«7-20-25» бағдарламасы шеңберінде қарыз беруге 5 446 өтініш мақұлданды

21.02.2019

«Қолғабыс» – арнаулы көмек көрсетуді көздейтін жоба

21.02.2019

Қостанай облысында Бірыңғай жиынтық төлем жинала бастады

21.02.2019

2018 жылы Қазақстанда 775524 жеңіл автомобиль тіркелген

21.02.2019

Пәтер алғысы келетіндерге пайдалы ақпарат

21.02.2019

Тауар импортын 14%-ға дейін азайту жоспарлануда – Жеңіс Қасымбек

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

ҰҚСАС ЖАҢАЛЫҚТАР

Тағы да оқу

Пікір қосу