![Елбасына сыйға тартқан домбыра](/article_photo/1530255864_article_b.jpeg)
Домбыраның бетінде «Құрметті Нұрсұлтан Әбішұлы! Құрманғазы бабамыздың әруағы қолдасын! Қаршыға. 4.VII.2000» деген жазу бар. «Үйеңкі ағаштың көп жылдық кептірілген түрінен жеті шанақты етіп жасалып, сабының бетіне майыспай, мықты болуы үшін қара ағаштан жапсырма салынған домбыраға қызығушылық танытатындар көп», дейді музейдің бөлім басшысы Светлана Нұрпейісова.
Жалпы Атыраудағы музейде қазақтың біртуар өнерпаздарының қолданған домбыралары жиналған арнайы зал бар. Мемлекет басшысының шілденің бірінші жексенбісін Ұлттық домбыра күні етіп белгілеу туралы Жарлығына сәйкес музейдегі «Өлке мәдениеті және әдебиеті» залында бірқатар шаралар жоспарланып отыр. Қазақ күйінің құдіретін танытқан Қаршыға Ахмедияровтің аты да ұмытылмақ емес. Өткен жылы туған жері Махамбет ауданы Таңдай ауылындағы орта мектепке күй қағанының есімі берілді.
Абай АБЫЛАЙҰЛЫ
АТЫРАУ