– Семейдің көшелерін және аулаларды абаттандырып, гүлдендіріп, көріктендіруге қалалық бюджеттен 1 миллиард 196 миллион теңге бөлінді, – деді қала әкімі Ермак Бидахметұлы. – Бұл жұмысты күн сайын қадағалап отырмыз. Саламатты өмір салтын қалыптастыру үшін қаланың әр жерлерінде 11 спорттық алаң салыну жоспарланған. Оған 90 миллион теңге қаражат берілді. Әсіресе қала тұрғындары арасында қолдау тапқан Абай алаңын жөндеуге 87 миллион теңге бөлінуі өте құптарлық болды.
Қала көшелерін күрделі және ағымдағы жөндеуге осы жылға 2 миллиард 235 миллион теңге бөлінді. Жыл сайын қала көшелерінің жөнделуі тұрғындар тарапынан қолдау тауып отыр.
Семей қаласы әкімінің баспасөз мәслихатында таратқан деректерге сүйенсек, көптеген жылдар бойы жөнделмеген Әсет Найманбаев көшесі ағымдағы жөндеуден өтуде. Сонымен қатар автокөліктер көп жүретін Тәңірбергенов, Титов, Орманды, Қабанбай батыр, Аймауытов және тағы басқа көшелер жөнделуде. Қазіргі уақытта 36 көше жолдары ағымдағы жөндеуден өтті.
Раушан НҰҒМАНБЕК,
журналист
СЕМЕЙ
