Жалпы, аудиторияны зерттеу, радио форматын қалыптастыру, озық тәжірибелерді ескеріп, телерадиохабар тарату саласын заманға лайық дамыту мәселелерін талқылау үшін 40 елден 150-ге жуық сарапшы келді. Бұл туралы Ақпарат және коммуникациялар министрі Дәурен Абаев мәлім етті.
Іс-шара аясында шілденің 9 күні Түркияның ТРТ радиосы мен «Қазақ радиолары» ЖШС басшылығы бейресми кездесу өткізді. Көршілес елдегі радио саласының мамандары Астанадағы этноауылды көріп, қазақтың салт-дәстүрімен кеңінен танысты.
Түркия радиолары басқармасының басшысы Ахмет Акчакая: «Бізді «Қазақ радиоларының» әлеуметтік желідегі жұмысы қызықтырып отыр. Интернеттің радио имиджіне берер пайдасын көріп, болашақта осы салада міндетті түрде тәжірибе алмасатынымызды айтқымыз келеді. Ал, біздің осы елге келген басты мақсатымыз – Түркия радиолары мен «Қазақ радиолары» арасында ынтымақтастық орнату», деді.
Айта кетейік, осы жылғы мамыр айында «Қазақ радиолары» ЖШС делегациясы Түркияға барып, Малатия қаласында Түркия елдері радио фестивалінің құрметті қонағы болған-ды.
«Егемен-ақпарат»
