Т-50/60-8,8 жаңа жылыту турбинасын орнату жұмыстары 2015 жылы басталған. Оны іске қосу стансаның бекітілген электр қуатын 252 МВт, бекітілген жылыту қуатын 564 Гкал/сағ дейін ұлғайтуға мүмкіндік береді.
Осыған дейін ЖЭО-да тек негізгі және қосымша құрылғыларды ауыстыру және қалпына келтіру бойынша жұмыстар жүргізілген. Стансаны кеңейту, №8 жаңа турбоагрегатты құру кәсіпорынның қалпына келтіру және техникалық қайта жабдықтау инвестициялық бағдарламасын жүзеге асырудың арқасында мүмкін болды.
Ол стансаның сенімділігі мен жұмыс тиімділігін жоғарылатып қана қоймай, сонымен қатар турбоқұрылғылардың жалпы тозуын төмендетуге мүмкіндік береді, сондай-ақ Жезқазған өңірін тұрақты электр қуатымен қамтитын болады.
Жаңа турбоагрегатты іске қосу шарасына Қарағанды облысы әкімінің орынбасары Анатолий Шкарупа мен Жезқазған қаласының әкімі Қайрат Бегімов қатысты.
Қайрат ӘБІЛДА,
«Егемен Қазақстан»
Қарағанды облысы,
Жезқазған қаласы