Әлем • 04 Қыркүйек, 2018

Қазақ көкпаршылары бүгін алаңға шығады

106 реткөрсетілді

Дүниежүзілік көшпенділер ойындарының аясында өтіп жатқан көкбөрі (көкпар) бойынша сайыстар жалғасуда. 

Бірінші турда Қырғызстан Моңғолия командасын 29:5 ұпаймен жеңіп рекорддық көрсеткішке ие болды. Мәскеу құрама командасы ауғаныстандық көкбөрішілерді 7:2 есебімен тізе бүктіріп, жартылай финалға жолдама алды. Өзбекстандықтар башқұрт әріптестерін 20:1 эсебімен ұтып, ойындарын бұдан әрі жалғастырады. Енді Францияның командасымен кездеспекші.

Қазақстанның көкбөрішілері 1-турдың ойындарына әлдебір себеппен қатысқан жоқ. Оларды Красноярскінің командасы күтіп отырған. Ұйымдастыру комитетімен байланысқанымызда, Қазақстан мен Красноярск командалары бүгін түстен кейін ойнайтыны белгілі болды.Қырғыз көкбөрішілері күшті команда деп есептелінеді.Олар біздің басты бәсекелесіміз қазақстандық команда деген болатын.

Қытайдан келген көкбөрі командасы ойын талаптарына лайық болмағандықтан мандаттық комиссиядан өтпей, жарыстарға қатыспайтын болды. 

Белгілей кетсек, бірінші орынға 3 миллион сом, екінші орынға 1,5 миллион сом бәйге тігілген. Көкбөрі бойынша жалпы бәйге қоры – 6 миллион сом.

Назарбек Байжігітов,

Қырғыз Республикасы,

Шолпаната қаласы

Баннер
Соңғы жаңалықтар

Біз - «BIRGE»!

Сайлау • Кеше

Сауаптан құр қалмаңыз

Руханият • Кеше

Игі істердің ұйытқысы

Руханият • Кеше

Ұқсас жаңалықтар