Мақтануға әлі ерте - Аян Бейсенбаев

Индонезияда мәресіне жеткен Азия ойындарында қазақ баласы тұңғыш рет триатлонда жүлдеге ілікті. Оның есімі – Аян Бейсенбаев. Қуанышты сәтімен құттықтап хабар­ласқанымызда, 22 жастағы жігіттің жігеріне ғана емес, қарапайымдылығына да қуандық.

Егемен Қазақстан
11.10.2018 5154
2

– Аян, күміс медаль құтты болсын! Барлығы жоспар­дағыдай болды ма?

– Рахмет! Жоспарымыз толық орындалды деуге келмес. Себебі алтын медальдан үміттеніп едім. Аяғымның сіңірі тартылып, біраз мазамды алды. Ауа райының ыстықтығы да кері әсерін тигізді. Бейімделу қиын болды. Бірақ шамам келгенше тырысып, барымды салдым. Күміс медаль алғаныма қуаныштымын. 

– Өзіңіздің уақыт көрсет­кі­шіңіз қаншалықты көңіліңіз­ден шықты?

– Триатлон – уақытты болжап болмайтын спорт түрі. Мұнда бәрі ауа райына, желге, жолға, тіпті судың температу­расына да байланысты. Жалпы, нәтиже жаман емес. Алдағы уақытта бұл көрсеткішті жақсар­туға тырысамын.

– Жалпы, Азия ойындарына дайындық қалай жүріп еді?

– Біз бұл ойындарға ұзақ дайындалдық. Даярлық кезінде аздаған қиындықтар кездесті. Бірақ оларды бапкерлермен бірігіп шешіп отырдық. 

– Джакартада осыдан төрт жыл бұрын Инчхондағы көрсеткішіңізді жақсартып қана қоймай, күміс медаль енші­ледіңіз. Осы аралықта даярлық жүйесінде не өзгерді?

– Инчхонда тоғызыншы орынмен шектелуім тым жас болғаныма байланысты шығар. Себебі ол кезде жасым 18-де болатын. Сондықтан Азия ойындарына қатысуыма әрең рұқсат берілді. 

Әр жарыс сайын кем-кетік­терді анықтап, бапкеріммен бірге соларды жою жолында еңбектенеміз. Джакартадағы ойындар алдында басымдықты жүзуге бердік. Себебі жүзуде әлі де кемшін тұстарым бар. Осы жолы велосипед жарысын ойдағыдай өткізгеніммен, жүгіруде аяқтарым біраз сыр берді.

– Үш спорт түрінен үш түрлі маманның жаттықтыруына қатысты ойға пікіріңіз қандай?

– Өзім триатлон бапкерінің қарамағында жаттығамын. Бұл сұраққа біржақты жауап беру қиындау. Себебі әр бапкер өз саласына көбірек басымдық береді де қалған екі спорт түрі қалыс қалады. Ал триатлонда ауыртпалық бірдей болуы керек. Бұрын жүзуден бапкеріміз бөлек болатын. Ол кісі осы спортта көп жаттығу жасатып, соңында жүгіру мен велосипед тебуге шамамыз келмей қалатын. Сондықтан бұл жерде бапкердің біліктілігі маңызды.

–  Ал бізде білікті мамандар жеткілікті ме?

– Жеке бапкерім Юрий Соловьев – өз ісін білетін маман. Әлем чемпионы, Дохадағы Азия ойындарының жеңімпазы, Олимпиадада төртінші орын алған Дмитрий Гааг Юрий Викторовичтің шәкірті. Осындай танымал шәкірттері көп. Бұл да сол кісінің біліктілігінің арқасы ғой.

– Үш спорт түрінен жатты­ғуларға уақытты қалай бөле­сіз?

– Таңертең велосипедпен 60 шақырымдай жүріп өткен соң, бассейнде 3-4 шақырым жүземіз. Түскі тамақты ішіп болған соң біраз тынығып жеңіл атлетика жаттығуымен жалғастырамыз. Бұл жобалап айтып тұрғаным. Жаттығудың күнделікті бағдарламасы бапкерге байланысты.

– Триатлон – төзімділікті талап ететін спорт. Сондықтан оған егде жастағылар қызы­ғады деп жатады. Сіз қалай ойлай­сыз?

– Ересектер қатарына енді қосылған жылдары ауырлау соқты. Ал қазір ағзам үйреніп кетті. Бұл үздіксіз әрі жүйелі жаттығудың арқасы. Бұрындары триатлон жарыстарында қаты­су­шының жасы ескеріл­месе, бүгінде қашық­тықты жас дең­гейіне қарап қояды. 

Анам спортпен шұғылдануым үшін бірнеше үйірмеге апарды. Ол кезде жүзе алмайтынмын, әрі онша қызыққан да жоқпын. 

– Неліктен таңдауыңыз триатлонға түсті?

– Бала күнімде велосипед тепкенді жақсы көретінмін. Анам спортпен шұғылдануым үшін бірнеше үйірмеге апарды. Ол кезде жүзе алмайтынмын, әрі онша қызыққан да жоқпын. Бір күні велосипед, жүзу және жүгірудің басын біріктірген триатлон жайлы естіп, бағымды сынап көргім келді. Тым құрығанда жүзіп үйренемін дегенмін. Уақыт өте бұл спортқа қызығушылығым артып, біржола ден қойдым. 

– Екі сағатқа созылатын жарыста не туралы ойлайсыздар?

– Әдетте алдағы кезеңге тактикалық жоспар құрамын. Айталық, жүзу кезінде алдағы екі жарысқа ойша дайындаламын. Өзімнің әлеуетімді бағалап, күшімді дұрыс жұмсау туралы ойлаймын. Өйткені триатлон нақты жоспарға да бағынбайтын спорт қой.

– Ата-анаңыз Джакарта­дағы ұлының бұл жетістігін қалай қабылдады?

– Ол кісілер телетрансляция болмағандықтан, бұл жарысты тамашалай алған жоқ. Мәреге жеткендегі, тұғырдағы суреттерді бапкерім жіберген соң қуанып құттықтап жатыр. Ол кісілер жеңсем де, жеңілсем де амандағым үшін қуанады. 

– Триатлоннан Азия ойын­дарында жүлде салған тұң­ғыш қа­зақсыз. Мұның сіз үшін ма­ңызы қандай?

– Тұңғыш деген ұғым мен үшін соншалықты маңызды деп айта алмаймын. Бұған дейінгі триатлоншыларымыз туралы көп естігенмін. Біздің елде бұл спорттың деңгейі жоғары болған. Әлем, Еуропа чемпионаттарында атой салған талай спортшымыз бар. Тек соңғы 5-6 жылда кенжелеп қалды. Солардың қасында өзімді ерекшелеу орынсыз. Олимпиадада үздіктер қатарына іліксем, сонда мақтануға болатын шығар. 

Мәдина АСЫЛБЕК,

журналист

СОҢҒЫ ЖАҢАЛЫҚТАР

20.02.2019

Елбасы Сауд Арабиясының Королімен телефон арқылы сөйлесті

20.02.2019

Елбасы «Самұрық-Қазына» акционерлік қоғамы басқармасының төрағасы Ахметжан Есімовті қабылдады

20.02.2019

Жас журналистер клубы құрылды

20.02.2019

Алексей Луценко тағы да топ жарды

20.02.2019

«Амурға» әліміз жетпеді

20.02.2019

Асанәлі Әшімов: «Театрды ашудағы мақсатым – талантты жастарды қолдау»

20.02.2019

Бақыт Сұлтанов автобус паркін жаңарту жоспарлары туралы айтып берді

20.02.2019

Қарағанды облысында 2 күнде 41 жол-көлік оқиғасы тіркелді

20.02.2019

Бейсенбі күні Қостанай облысы мен СҚО-да дауылды ескерту жарияланды

20.02.2019

Тілсіз жаудан зардап шеккен отбасыға тәртіп сақшылары көмектесті

20.02.2019

Ақмола облысының 5 ауданында «Еnglish for jastar» жобасы жалғасатын болады

20.02.2019

Бурабайда қысқы президенттік көпсайыстан облыстық біріншілік өтті

20.02.2019

Көкшетауда «Бояулар құпиясы» жас суретшілер байқауы өткізілді

20.02.2019

Еліміз Иранға 42 тонна сиыр етін экспорттайды

20.02.2019

Қарағандыда жемқорлық құқық бұзушылықтар бойынша брифинг өтті

20.02.2019

Алматыда ережесіз жекпе-жектен жарыс өтеді

20.02.2019

Ақтөбе облысында «Агрогектар» жобасы жүзеге асырылуда

20.02.2019

Қырғыз Республикасынан кіргізілетін өнімдерге шектеу қойылмақ

20.02.2019

Мемлекеттік қызметшілер декларациясын тапсыру мерзімі 31 наурызда аяқталады

20.02.2019

Астанада кәсіпкерлер мен инноваторларды біріктіретін алаң ашылады

ТАҒЫ ЖҮКТЕУ
КОЛУМНИСТЕР

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

ҰҚСАС ЖАҢАЛЫҚТАР

Тағы да оқу

Пікір қосу