Қазақстан • 11 Қазан, 2018

Елордада шекараралық сулар туралы конвенция тараптары кеңесінің сегізінші сессиясы өтті

167 реткөрсетілді

Кеше Елордада шекараралық сулар туралы конвенция тараптары кеңесінің сегізінші сессиясы өтті. Шараға әлемнің 100-ге жуық елінен 500-ге тарта мейман қатысып, конвенция шеңберінде құқықтық, экономикалық, экологиялық және технологиялық мүмкіндіктер кеңінен талқыға салынды.

Азия құрлығында тұңғыш рет өткізілген жиында ауыз су тапшылығы мәселесі жан-жақты сөз болды. Шараны бей­нежолдау арқылы құттық­тау сөзімен ашқан Елбасы Нұр­сұлтан Назарбаев ­қа­тысушы­ларға сессия маңыз­­­ды­лығы ту­­р­а­лы айтып, халықты және ха­лыққа қажет әлеуметтік-эко­­номикалық салаларды сумен қамту, аталған салаға тың технологияларды енгізу, инвестиция тарту, су қорларын зиянды қал­дықтардан тазарту және бі­лік­­­­­ті мамандар дайындау сын­ды түй­­іт­кілді мәселелерді назарға алды.

Шараға қатысушы ресми делегация құрамында алыс-жақын шет мемлекеттердің министрліктері мен агенттік­­терінің басшылары болды. БҰҰ Еуропалық экономикалық комиссиясының атқарушы хатшысы Ольга Алгаерова баян­дама жасап, ұйымның Бас хатшысы Антониу Гутер­риш жолдаған құттықтау сөзді оқып берді. Жиында сөз алған басқа да баяндамашылар жолда­ған су мәселесін шешудегі өзара ынтымақтастықтың мән-маңы­зын ерекше атап өтті.

Жалпы әлемдегі 260 ­шек­ара­­аралық су бассеині жер ша­рының тең жартысын құраса, бұл аумақтың 40 процентінде адамдар өмір сүреді. Яғни, жыл сайын жер-жаһанды таза ауыз сумен қамту мәселесі қор­­да­ланып келеді деген сөз. ­Жи­ын­ға қатысушылар бұл мә­се­­ле­ні шешу үшін жұмыла жұмыс атқа­ру қажеттігін айтады. 

Қазақстан аталған конвен­ция­ға биыл үшінші мәрте төр­ағалық етіп отырғанын атап өткен жөн. Сегізінші сессия барысында 2019-2021 жыл­дар­ға арналған стратегия мен бағдарлама қабылданады деп жоспарланған. 

Аталған бағдарлама негі­зінде трансшекаралық өзен­дердің су ресурстарын қорғау және пайдалану мәселесі қа­растырылып, бұл салаға инвес­тиция тарту жолға қойыл­мақ. Сондай-ақ су секторында елдің ғылыми және инс­титуционалдық әлеуетін кү­шейтуге басымдық берілмек. Шекарааралық сулар туралы конвенция 1996 жылы қабылданды және оған БҰҰ-ға мүше елдер қатыса алады.

Еркежан АЙТҚАЗЫ,

«Егемен Қазақстан»

Баннер
Соңғы жаңалықтар

Келесі кезеңге шықты

Спорт • Бүгін, 11:41

Полицейдің бір күні

Қоғам • Бүгін, 11:32

Өтімді сөз өлеңмен өрнектеледі

Руханият • Бүгін, 11:22

Көмекей әулие туралы кітап

Руханият • Бүгін, 11:17

Күйшілердің саябағы

Руханият • Бүгін, 11:17

Тіл табиғатын бұзбайды

Қоғам • Бүгін, 11:13

I Гендерлік форум өтті

Қоғам • Бүгін, 11:06

Абыройы асқақ азамат

Руханият • Бүгін, 11:06

Мақсат – жол сапасын жақсарту

Аймақтар • Бүгін, 10:52

Мақсатымыз айқын

Саясат • Бүгін, 10:37

Ердің еңсесі қашанда биік

Саясат • Бүгін, 10:34

Әке деген ұлы есім

Қоғам • Бүгін, 08:25

ҰБТ-2019: қандай өзгеріс бар?

Қазақстан • Бүгін, 08:17

Ұқсас жаңалықтар