Аймақтар • 12 Қазан, 2018

Сырдария тұрғындары «Ауыл - ел бесігі» жобасынан мол үміт күтіп отыр

199 реткөрсетілді

Елбасының дәстүрлі Жолдауынан биыл дихандар үлкен үміт күтіп отыр. Бұл туралы Сырдария ауданының әкімі Ғ.Қазантаевтың «Тоқмағамбетов ЛТД» серіктестігінде егіншілермен кездесуінде айтылды.

– Біздің алдымызда Елбасы қойған ауқымды міндеттер тұр. Ол міндет экономикалық өсуге, ауылшаруашылығындағы инвестициялық ахуалды жақсартуға бағытталған. Ол үшін бізде қажетті мүмкіндіктер мен әлеует бар. Жолдауда Мемлекет басшысы «Бизнестің жол картасы-2020» бағдарламасын жүзеге асыру үшін жыл сайын 30 миллиард теңге бөлінетінін айтып, өңдеу өнеркәсібі мен шикізаттық емес экспортты қолдауға алдағы 3 жылда қосымша 500 миллиард теңге бөлінеді деді. Қазақстанның қазіргі кездегі экономикалық саясатының басты бағыты – экспортқа шығу. Яғни, ауданымызда егілген өнім өз елімізде ғана емес, шетел нарығына да бағытталуы керек. Бұл бәсекеге қабілетті болуымызға бағдаршам болады,- деді аудан басшысы өз сөзінде.

Жиында сөз алған серіктестік басшысы М.Есжанов «Ауыл - ел бесігі» жобасынан дихандардың мол үміт күтіп отырғандығын айтты. Кеңесте сөз алған басқа азаматтар да шағын және орта бизнеске Елбасының айырықша назар аударып отырғандығын, оны өрістетуге барша мүмкіндіктер жасалып жатқандығын тілге тиек етті.

Бақтияр ТАЙЖАН,

«Егемен Қазақстан»

Қызылорда облысы

Баннер
Соңғы жаңалықтар

Ең қысқа әңгіме. Қанат Әбілқайыр

Ең қысқа әңгіме • Кеше

Ең қысқа әңгіме. Арман Әлменбет

Ең қысқа әңгіме • Кеше

Күлкі керуені № 2

Руханият • Кеше

Баянғали туралы баян

Руханият • Кеше

Жаңа аялдамаға жаны қас

Аймақтар • Кеше

Ұқсас жаңалықтар