Үкімет • 30 Қазан, 2018

Үкіметте заң жобалау жұмыстарының 2019 жылға арналған жоспар жобасы қаралды

296 реткөрсетілді

Бүгін Премьер-Министр Бақытжан Сағынтаевтың төрағалығымен өткен Үкімет отырысының барысында әділет министрі Марат Бекетаев 2019 жылға арналған заң жобалау жұмыстарының жоспары туралы баяндады, деп хабарлайды Премьер-Министрдің баспасөз қызметі.

Әділет министрлігі Заң жобалау қызметі мәселелері жөніндегі Ведомствоаралық комиссия мүшелерімен бірлесіп Үкіметтің 2019 жылға арналған жұмыс жоспарын әзірледі. Оның негізіне ел Президенті айқындаған, мемлекеттің стратегиялық құжаттарында баяндалған міндеттер алынды.

Марат Бекетаев алдағы жылы «Халықтың денсаулығы және денсаулық сақтау жүйесі туралы», «Қазақстан Республикасының Экологиялық кодексі» кодекстердің жаңа жобалары, сондай-ақ «Педагогтың мәртебесі туралы», «Мемлекеттік фельдъегерлік байланыс туралы» заң жобаларын әзірлеу көзделіп отырғанын жеткізді. Сонымен қатар мемлекеттік органдар құқықтық мониторинг нәтижелерінің негізінде бірқатар заң жобаларын әзірлеуді жоспарлап отыр.

Жалпы Жоспар жобасы 29 заң жобасын әзірлеуді қарастырады.М. Бекетаев Жоспар жобасын қалыптастыру кезінде заң жобаларын жыл ішінде Парламенттің қарауына жоспарлы енгізу қажеттілігі ескерілгенін айтты. Мәселен, 2019 жылдың І жартыжылдығында Парламентке 16, ал ІІ жартыжылдықта 13 заң жобасын енгізу жоспарлануда.

«Заң жобалардың ең көп санын әзірлеу Энергетика министрлігіне тиесілі, бұл 5 заң жобасы. Ұлттық экономика және Қаржы министрліктері 3 заң жобасын әзірлейді. Ішкі істер, денсаулық сақтау, ауыл шаруашылығы, мәдениет және спорт, білім және ғылым, еңбек және халықты әлеуметтік қорғау министрліктері 2 заң жобасынан әзірлейтін болады», — деді М. Бекетаев.

Қорғаныс, қоғамдық даму, қорғаныс және аэроғарыш өнеркәсібі, инвестициялар және даму, сондай-ақ Бас прокуратура, Мемлекеттік қызмет істері және сыбайлас жемқорлықпен күрес агенттігі бір-бір заң жобасынан әзірлейтін болады.

«Жоспардың жобасы Заң жобалау қызметі мәселелері жөніндегі Ведомствоаралық комиссияның отырысында талқыланды. Үкіметтік емес ұйымдардың ұсыныстары ескерілді. Жоспарда көзделген заң жобалары бойынша түсіндіру жұмыстарын оны қабылдағаннан кейін мемлекеттік органдар жүргізетін болады», — деді министр.

Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар