Спорт • 14 Қараша, 2018

Алматыда дәстүрлі «Болат Тұрлыханов кубогі» өтеді

370 реткөрсетілді

Алматыда 17-18 қараша күндері грек-рим күресінен «Болат Тұрлыхановтың кубогі» өтеді. Айтулы жарыста 10 мемлекеттен келген 100 азулы палуан бақ сынайды деп күтілуде.

Дәстүрлі «Болат Тұрлыхановтың кубогі» 2015 жылдан бері Халықаралық күрес федерациясының іс-шаралар жоспарына енген. Сонымен қатар Қазақстанда грек-рим күресінен жалғыз мәртебесі бар турнир саналады. Күрес тарихына үңілсек, аталған турнир әлемдік аренада атой салған талай даңқты балуандардың томағасын сыпырған айтулы жарыс екеніне көз жеткіземіз. Бұл ретте ел даңқын асырған Юри Мельниченко, Мкхитар Манукян, Бақтияр Бәйсейітов, Георгий Цурцумия, Нұрбақыт Теңізбаев, Нұрмахан Тінәлиев сынды бозкілем шеберлері осы турнирден қанаттанғанын мақтанышпен айтуға болады. Биылғы турнирге қонақ ретінде Александр Карелин, Камандор Маджидов, Ким Ен Нам, Жақсылық Үшкемпіров және тағы да басқа Олимпиада чемпиондары қатысады.

Айтулы турнирде жеңімпаз деп танылған спортшыларға «Халықаралық дәрежедегі спорт шебері» атағы беріледі. Оған қоса жүзден жүйрік деп танылған жеңімпаздар мен жүлдегерлерге ұйымдастырушылар тарапынан қаржылай қомақты сыйақы табысталмақ.

Еске салсақ, Болат Тұрлыханов – Қазақ ССР-ның еңбек сіңірген жаттықтырушысы. Семей өңірінде дүниеге келіп, 1956 жылы Қазақ дене шынықтыру институтын тәмамдаған. Саналы ғұмырында талай чемпиондарды баулыған әйгілі бапкердің есімі ел есінде.

Арман ОКТЯБРЬ,

«Егемен Қазақстан»

АЛМАТЫ

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар