Өзіне-өзі қызмет көрсету жүйесіне негізделген ерекше дүкеннен оқытушылар мен студенттер өздеріне қажет заттарды таңдап алып, ақшаны сондағы арнайы қорапқа салады екен. Сондықтан да сатушысы жоқ бұл дүкен тек адалдық қағидалары бойынша жұмыс істейді. Ал, аталған университеттің студенті Ерсұлтан Нүсіпжановтың айтуынша, дүкеннен әрбір азамат өзі таңдаған заттарды алумен қатар, кітап оқуға да мүмкіндігі бар екен. «Мұндағы мақсат – қоғамды адалдыққа үйрету. Әсіресе жастар үшін бұл өте жақсы бастама болды деп ойлаймын», дейді ол.
Сатушысы жоқ ерекше дүкен жастарды адалдыққа баулитыны сөзсіз. Дүкен ішінде жастарды жақсылыққа үндейтін «Адалдық алаңы», «Тауарды таңда, ақшасын төле және қайтарымын ал. Біз сенің әлеуметтік жауапкершілігіңе сенімдіміз» деп жазылған.
Хамит Есаман,
«Егемен Қазақстан»
Жамбыл облысы
