Президент • 28 Желтоқсан, 2018

Н.Назарбаев: «Өзбекстанмен сауда қатынасын дамыту еліміз үшін тиімді»

121 реткөрсетілді

Елбасының БАҚ өкілдеріне берген сұқбаты барысында «Ана тілі» газетінің бас редакторы Жанарбек Әшімжан Орта Азия республикалары арасындағы қатынас пен  Астанада өткен көршілес 5 елдің басшыларының басқосуы, мемлекеттер тағдыры туралы сұрақ қойды.

Нұрсұлтан Назарбаев Орталық Азиядағы 5 мемлекет тағдырлас қана емес, қаны да, жаны да бір екенін, биылғы Астанадағы кездесудің жемісті болғанын айтты. Жиын нәтижесі бойынша көршілес Өзбекстан, Қырғызстанмен қарым-қатынас жақсарып, алдағы жылға нақты жоспарлар құрылғанын хабарлады.

«Өзбекстан президенті Шавкат Мирзиёевпен сөйлестім. Қазір олардың жағдайы қиын, жаңа басшы мемлекетті тығырықтан алып шығуға тырысып жатыр. Өз кезегімде мен де қолдап, көмектесемін. Келер жылы Орталық Азия мемлекеттерінің басшылары Ташкентте бас қоспақ. Осы тұста Қазақстанның Өзбекстандағы мәдени күндері атап өтілу жоспарланды.

Бұған дейін екі ел арасындағы сауда айналымы 1 миллиардқа жетпейтін. Биылғы нәтиже 42 пайызға өсіп, 3 миллиард АҚШ долларына жетті. 2019 жылы бұл көрсеткішті 5 миллиардқа жеткіземіз деп жоспарлап отырмыз. Қытаймен бірге «Қорғас» шекара маңы ынтымақтастық халықаралық орталығын құрғандай Өзбекстанмен осындай орталық құруды қолға алуымыз керек. Өйткені Өзбекстан халқының саны – 33 миллион. Шекаралас мемлекетпен сауда қатынасын жақсарту тиімді, себебі мемлекеттер жақын, халық санының көп болуы экономикамызға көп пайда әкелмек», деді Мемлекет басшысы Нұрсұлтан Назарбаев.  

Баннер
Соңғы жаңалықтар

«Әдеби өлкетану» - жаңа жоба

Аймақтар • 25 Мамыр, 2019

Біз - «BIRGE»!

Сайлау • 24 Мамыр, 2019

Мергендер Мюнхенде жүр

Спорт • 24 Мамыр, 2019

Мас араны омартаға кіргізбейді

Экология • 24 Мамыр, 2019

Ұқсас жаңалықтар