Қазақстан • 29 Желтоқсан, 2018

«Батыс» өңірлік қолбасшылығы әскери бөлімдеріндегі командирлік даярлық жаңа деңгейге шығуда

50 реткөрсетілді

Ақтау, Атырау және Ақтөбе қалаларында өткен «Батыс» өңірлік қолбасшылығының взвод командирлеріне арналған оқу жиынында жалпы әскери тақырыптар мен шет ел жасақтарының тактикасы, бүгінгі қарулы қақтығыстардың тәжірибесі оқытылды.

Оқу-жиындар – Қарулы Күштердегі түрлі деңгейдегі командирлердің даярлығын жетілдірудегі ең тиімді жолы болып табылады. Осы күндері желтоқсан айының басында басталған өңірлік қолбасшылықтың взвод командирлерімен өткізілген жиыны аяқталды. Жиынға мотоатқыш, танк, артиллерия, барлау взвод командирлемен қатар инжинерлік, байланыс, техникалық және тылдық взвод командирлері қатысты.

Жиынның басты мақсаты кәсіби дайындық пен білімді жетілдіру, машықтылықты арттыру, картамен және басшылық құжаттармен жұмыс жасаудағы, шешім қабылдап, тапсырманы қою дәрежесін жаңа деңгейге шығару болып көзделді. Офицерлер теориялық және практикалық сабақтармен қатар, нұсқаулық, бақылау сабақтарына да қатысты. «Батыс» өңірлік қолбасшылығы әскерлерінің қолбасшысы генерал-майор Қаныш Абубакировтың нұсқауымен заңсыз әскери құрылымдардың іс-әрекет тактикасы, жауынгерлік бұйрықты беру кезіндегі ұсыныстар бойынша қосымша материалдар қарастырылды.

Жиынның соңғы күндері офицерлер атыс, дене, тактикалық, арнайы даярлық сабақтарынан сынақ алынды. Оның нәтижесі бойынша үздік көрсеткіштерді 30238 әскери бөлімінен лейтенант Бекеш Батырханов пен 41433 әскери бөлімінен лейтенант Әсілбек Сейтхан көрсетті. Бүгінгі күні, командирлік жиындар кіші офицерлік құрамның сарбаздарды оқыту және тәрбиелеуге дайындық деңгейін тексеруге бағытталған емтихан болып табылады. Себебі, взвод командирлері бейбіт және соғыс уақытында взводтың жауынгерлік әзірлігіне, әскери тәртіпке, жеке құрамның моральдік-психологиялық күйіне, қару-жарақ пен әскери техникаға жауап береді. Взвод – жауынгерлік тапсырманы орындай алатын маңызды құрылымдардың бірі.

Гүлайым ШЫНТЕМІРҚЫЗЫ,

«Егемен Қазақстан»

Маңғыстау облысы

Баннер
Соңғы жаңалықтар

Ұқсас жаңалықтар