«Елбасының «Болашаққа бағдар: рухани жаңғыру» атты мақаласы жастарға рухани жол көрсететін нақты бағдар, оларға зор мүмкіндіктер туғызатын, жаңа белестерді бағындыруға бағытталған іс-қимыл жоспары», - деді шараның ашылу салтанатында сөз алған Риддер қаласы Ішкі саясат бөлімінің басшысы Анар Дүкенбаева. «Көшбасшы мектебі» жобасының жетекшісі Тамара Алексеева шара оқушылардың бойында өзін-өзі басқару мен өзін-өзі танытуға деген қызығушылығын қалыптастыру, әлеуметтік жобалауды жүзеге асыру аясында көшбасшылық, топта жұмыс істеу дағдыларын дамыту мен жетілдіру, қазақстандық отансүйгіштікке, рухани-адамгершілік негіздеріне, толеранттыққа тәрбиелеу мақсатында ұйымдастырылғанын айтады. «Бағдарламаға «Шешендік шеберлік негіздері», «Топтық жұмыс» және «Креативті ойлау» атты үш шеберлік сыныбы кірді. Лицей оқушылары мен «Көшбасшы мектебі» жобасының қатысушылары дайындап, өткізген «Сатылым уақыты» іскерлік ойыны мен «Өз ойым бар» пікір алмасу алаңында мектеп оқушылары өз білімдерін тәжірибе барысында көрсете алды», дейді ол.
Азамат ҚАСЫМ,
«Егемен Қазақстан»
Шығыс Қазақстан облысы, Риддер қаласы
