Қаңырап бос тұрған бұл үйді қалпына келтіруге облыстық бюджеттен 231 миллион теңге қаржы бөлінген болатын. Күрделі жөндеуден өткен көпқабатты үйге жетім балалар, көпбалалы және аз қамтылған отбасылар қоныстанды. Сондай-ақ, бұрынғы баспанасы апатты деп танылған бес отбасына да осы үйден пәтер бұйырды.
Баспаналы болып, қуанышқа бөленген ақадырлықтарға пәтерлердің кілттерін Шет ауданының әкімі Марат Жандәулетов табыс етті.
Бұдан бөлек, өткен жылы осы ауданның Ақжал және Ақсу-Аюлы кенттерінде де 12 және 4 пәтерлі үйлер пайдалануға берілген болатын. Ал был Шет ауданында тағы бір 12 пәтерлі үй салынады деп жоспарланған.
Қайрат ӘБІЛДА,
«Егемен Қазақстан»
Қарағанды облысы
