Беріктің бекем байламы
Сәрсенбі, 28 наурыз 2012 7:47
Өткен жылдың күзінде Степногор қаласына қарасты Қарабұлақ ауылдықокругінің әкімі Қайыргелді Әйтімов фермерлер мен шаруақожалықтарының жетекшілерін жиналысқа шақырды. «Фермер» дегенаты болғанымен нәпақасын өз бетінше тауып жүрген Берік Күзібаев бұлмәжілістен де пәлендей нәтиже шыға қояды дегенге сене қоймаған. Өйткені, ауылдағы жағдай алақандағыдай ғой. Күш-қарымның аздығынаншаруа қожалықтары 20 мың гектардан астам жерді игере алмай отыр. Ауыл табынындағы 33 ірі қара мал бруцеллезге шалдығып, жойылды. Өзгеріске бастайтын тұжырымды қадам қажет-ақ.
Сәрсенбі, 28 наурыз 2012 7:47
Өткен жылдың күзінде Степногор қаласына қарасты Қарабұлақ ауылдықокругінің әкімі Қайыргелді Әйтімов фермерлер мен шаруақожалықтарының жетекшілерін жиналысқа шақырды. «Фермер» дегенаты болғанымен нәпақасын өз бетінше тауып жүрген Берік Күзібаев бұлмәжілістен де пәлендей нәтиже шыға қояды дегенге сене қоймаған. Өйткені, ауылдағы жағдай алақандағыдай ғой. Күш-қарымның аздығынаншаруа қожалықтары 20 мың гектардан астам жерді игере алмай отыр. Ауыл табынындағы 33 ірі қара мал бруцеллезге шалдығып, жойылды. Өзгеріске бастайтын тұжырымды қадам қажет-ақ.
Көптен күткен өзгеріс осы жиналыста қылаң берді. Кездесуге Степногор қалалық жұмыспен қамту орталығының қызметкерлері қатысты. Олардың Үкімет қолға алған «Жұмыспен қамту-2020» бағдарламасының жай-жапсарын жан-жақты түсіндіріп, көзделіп отырған жеңілдіктерді жіптіктей етіп баяндауы көңілден шықты. Бағдарламаның бірінші бағыты бойынша құжаттар дайындалды. Көп ұзамай, екінші бағдарлама шеңберінде сегіз ауылдасына Астана қаласындағы тегін курсқа жолдама берілді. Олардың ішінде Берік те бар еді. Соншалықты қуана қоймады. Өмір бойы ауылда тұрып, мал соңында жүрген 46 жастағы адамға не үйретер дерсің? Жем-шөп жинау науқаны да қызып тұр.
Қателескен екен. Уақыт үрдісіндегі ілім-білімнің ешқашан артық болмайтынын ұқты. Сертификатқа ие болумен қоса шаруашылықты жүргізудің заманалық талаптары, бизнес-жоспар мен келісім-шарттарды дайындау, бухгалтерлік есеп-қисапты жүргізу бағытындағы құнды мағлұматтарға қанықты. Әсіресе, Дархан Дәрібаев пен Вера Котовичтің тәлім сабақтары есте қалды. Қалада тұратын өрім жастар ауыл тіршілігін бес саусағындай білетін сияқты. Сұрақтарымызға әрқилы мысалдар келтіріп жауап береді. Өзара тәжірибе алмасып, ниеттес, тілектес жаңа достар таптым. Бүгінгі күні Астанаға баруыма септескен жұмыспен қамту орталығының директоры Қарлығаш Ғапароваға, Денис Цедриков, Наталья Инютина сияқты қызметкерлерге рахметімді айтып жүрмін, дейді Берік бауырымыз.
Орталықтың қызметкерлері оқудан кейінгі іс-әрекеттердің басы-қасында жүргені әлі «сиясы кеппеген» фермерлерге жігер мен сенімділік берген сияқты. Мал шаруашылығымен айналысуға тілек білдірген алты адамға «Жұмыспен қамту-2020» бағдарламасының шарапатымен 13 миллион 800 мың теңге жеңілдетілген қаржы бөлінді. Берік Күзібаев 3 миллион теңгелік шағын несиені иемденді. Банк ресімдейтін кепілдік жарнамен қамтамасыз етудің оңай еместігін ескерсек, қарабұлақтықтар үшін мұны үлкен көрсеткіш деуге болады.
Өткен желтоқсан айында жұмысқа кіріскен Берік Күзібаев үйреншікті шаруаны дөңгелетіп алып кетті деуге болады. Бұған оның ауыл тіршілігіне қатысты тракторшы, дәнекерлеуші, құрылысшы мамандықтарын меңгергені де көмектескендей. Кеңестік дәуірден мұра болып қалған гаражды жөндеп, мал қорасына айналдырды. Қазір онда 7,5 пайыздық бағдарламалық несие қаражатына сатып алынған 10 сиыр мен 4 бұзау қыстатылуда. Күн жылынысымен тағы да алты ірі қара мен торпақтар сатып алу қамында.
Бүгінгі күні Күзібаевтардың қожалығында, өз малын қосып есептегенде, 37 ірі қара бар. Алынып жатқан төл бұдан бөлек. Сондықтан, екі бақташы мен бір сауыншыны жұмысқа тартып, жалақысын төлеп отыр. Өнімдерін келіншегі Дина Степногордың базарында, жәрмеңкелерде саудалап келеді. Отбасылық бизнесте әкесі Нұрхамит ағаның ақыл-кеңесі де кәдеге жарап тұр.
– Елбасы Нұрсұлтан Назарбаевтың биылғы Жолдауында халықты әлеуметтік қолдау мәселесі бірінші кезекте айтылғаны, ауыл адамдарына көмек-қолдаудың барлық мүмкіндіктері қарастырылғаны баршамызды ризашылық сезіміне бөлейді, – дейді Берік Күзібаев. – Мен әлеуметтік тұрғыдағы несиені қуана алдым. Себебі, біз үшін екі мал ұстадың ба, жиырма мал бақтың ба, ешқандай айырмашылық жоқ. Айырмашылық мынада – бұрын малды қалыптасқан дағдымен, күнкөріс үшін ұстайтынбыз. Бағдарламаға қатысқалы болашаққа жақсы жоспарлар түзіп, бойымызда басқаша жігер пайда болды. Өзгелер де жауапкершілікті түсініп, жаңа бастаманы іліп алып кетсе деймін. Сонда отбасымыз ғана емес, бүкіл ауыл ауқаттанар еді. Қарабұлағымыз да гүлдене түсері анық.
Бақберген АМАЛБЕК.
Ақмола облысы.