Әлем • 06 Наурыз, 2019

Қазақстан әдебиеті және мәдениетінің отызыншы орталығы ашылды

843 реткөрсетілді

Таяуда Ресейдегі Алтай Республикасының Таулы Алтай қаласындағы М.Шевалков атындағы ұлттық кітапханада Қазақстан әдебиеті және мәдениеті орталығы ашылды.

Аталған жобада кітапханалық және ақпараттық қызметтер, электронды ресурстар мен цифрлы кітапхананы да­мыту, қолжазба құжаттарын цифрлау, ресурстармен алмастыру, маман­дан­дырылған сала­лар­ды қалпына кел­тіру, сатып алу, каталогтау, сақтау және қалпына кел­ті­ру бары­сында тәжіри­бе­лер алма­са­ды. Қол­жазбаларды, баспа және әде­би­ет емес ақпарат көздерін және жаңа басы­лым­дар­дың қолжетімді материал­дарын қоса алғанда, кітапхана ресурстарының тізімін алмастыруға жағдай жасалады.

Халықаралық жобаның мақсаты – қазақ халқының тарихы мен мәдениетін, салт-дәстүрлерін, эконо­ми­каның қазіргі заманғы мемлекетінің жетіс­тіктерін, сая­­сатты, әлеуметтік сала­ны, клас­си­калық және заманауи проза мен поэзияның әдеби байлығын дамыту. 

Орталықта Қазақстан Республи­ка­­сы­ның Президенті Н.Назарбаевтың қыз­меті туралы, оның халықаралық саяси аренадағы рөлі, сондай-ақ белгілі қазақ жазушыларының қазақ, орыс және ағылшын тілдеріндегі еңбектері туралы баяндалады. Барлығы 200-ден астам кітап кітапханаға сыйға тартылды. Әрине бұл кітаптар оқырмандардың қызығушылығын тудырады және қазақ халқының мәдени құндылықтарына жа­қын­дауына септеседі.

2016 жылдан бастап Қазақстан Респуб­ликасының Ұлттық академия­лық кітапханасы шетелдердің ұлттық кітап­ха­­наларында қазақ әдебиеті орталық­­тарының ашылуына арналған халық­аралық жобаны жүзеге асыруда. 

Бүгінге дейін әлемнің 29 елінде, атап айтқанда Корея, Қырғыз Республикасы, Финляндия, Венгрия, Ресей Федера­ция­сы, Армения, Малайзия, Түркия, Қытай Халық Республикасы, Грузия, Франция, Жапония, Швеция, Маке­до­ния, Болгария, Чехия, Италия, АҚШ (Нью-Йорк көп­ші­лік кітапханасы және Конгресс кітап­ха­насы), Румыния, Иран, Аргентина, Бразилия, Удмуртия, Герма­ния, Испания кітапханаларында орта­лықтар ашылып, жұмыс істей бас­та­ды.

Әсем САҒИҚЫЗЫ

Соңғы жаңалықтар

Ұқсас жаңалықтар