Аймақтар • 08 Наурыз, 2019

Қостанай төрінде – Кәмшаттың бейнесі

765 реткөрсетілді

Қостанай қаласын көріктендіру – үздіксіз жүретін жұмыстың бірі. Соңғы жылдары қаладағы көп қабатты үйлердің сыртын бояп әрлендіру, 9 қабатты үйлердің көше жақтағы бетіне сурет салу облыс орталығына көрік беріп қана қойған жоқ, тіпті оның рухани, тәрбиелік те мәні бар екенін қостанайлықтар мен қала қонақтары байқағандай. 

Қаланың өзі аттас көше­сін бас­тайтын тоғыз қа­бат­ты зәу­лім үйден халқы­мыз­дың да­насы Абай қар­ап тұ­ра­ды. Ал осы Абай көше­сі­нің бойындағы тағы да сон­дай тоғыз қабатты үй­дің қа­бырғасынан бү­гін­де хал­қы­мыздың анасы деңгейіне көтерілген қай­рат­кер қызы Кәмшат апамыз­ды көреміз. Алма­тылық сурет­ші­лер Ақ­қа­ли Зәкіров пен Ержан Та­на­­ев салған суретте ол ақ жау­лы­ғының ұшын иығынан асы­­рып тастап, ойлы жанары­мен туған жердің төрінен еліне қарап отырғандай. 

Рас, Кәмшат Дөненбае­ваның есімі Коммунистік партия­ның әйел­дің ермен «тең­дігі» осы­лай деп, белін қайыс­тырып ауыр еңбекке же­гіп, желеулеткен сая­саты тұ­сында тек елімізге ғана емес, одан да сырт жерлерге белгілі болды. Кәмшатқа еліктеп, талай қыз трактор ру­ліне отырды, мал шаруа­шы­­лығында әйел­дер қой­шы­­­ның тая­ғын ұстады. Олар­ды пар­тия арқадан қақ­ты, Социа­листік Еңбек Ері атанды. Ал­айда әу баста Жарат­қан иеміз мұздай темір мен құрық емес, өмірге ұрпақ әкеліп, отбасының ұйытқысы, дәстүр-салттың қазығы болуды бұйырған әйелдің үй көрмей далада жүруі ұлтты оз­дыратын емес, тоздыратын әрекет екенін уақыт көр­сетті. Бір әңгі­ме­лес­ке­ні­мізде Кәмшат апай: «Мен ком­мунист болайын, қырда жүр­ей­ін ішкі рухымды бермеген адам­мын» деген еді.

Келін боп түскеннен кейін қос ененің, атасының ба­бын тапты. Жас келін бүкіл Ақсуат ауылына иба­лы­лықтың, сый­лас­тықтың үлгі­сі болды. Ол өзі­нің ене­лері мен атасының да шырайын шығарып, ау­зы­­­нан тастамай отыратын. «Үл­­кен енем атамның әмең­­гері екен. Ме­нің жолдасым Темірбек кі­ші енемнен ту­ған. Бірақ біз ен­ші­мізді алған­­да үлкен енем – әжем­ді қо­лы­­мызға алып шық­тық, кіші енем – апамды атам­мен, қайныммен қалдыр­дық. Қос ен­ем­нің татулығы ға­жап еді ғой, олар маған анам­­ның ерте қайтқанын біл­дірген жоқ. Атам мейі­рім­нен жаралғандай кісі еді, жарық­тық. Бізді «Кәмшатжан, Темірбекжан» деумен өтті дүниеден. Ол кісі екі әйелін де керемет сыйлады. Үлкен енемді «жаным», кіші енемді «тайым» деп отыратын. Мен осындай отбасының ұйы­ған берекесін, дәстүрін сақ­тау­ды, жалғауды мін­детіме алған­дай­мын» де­ген еді Кәмшат апа бір сыр­лас­қан­да. 

Өзі жолдасы Темірбекпен екі ұл, екі қыз өсірді, немере, шөберелерін тәрбиеледі. Кәм­шаттың осындай әйелдік дана­лығы айналасына шуақ ша­шып тұратын. Атым бар деп асқан жоқ, тасқан жоқ. Үлкеннің алдынан өтпей, кі­шіге биіксінбей қара­па­йым­­дылығымен, ақы­лымен қоғам­дағы, отба­сын­да­ғы әй­ел­дің орнын меңзеп кетті Кәмшат апа. 

– Мамам туған қайны­сы­ның әйелі Жанна апайды, өзінің келіндері – мені және Динаны татулыққа тәрбие­леді. Ол кісі көп ақыл айта бермей­тін, барлығын өзі­нің мейі­рімге толы жанары­мен «айтып» тұратын. Біз, әулет­те­гі үш келін бүгінде енем­нің осы өсиетін орындауға талпынып келеміз, – дейді келіні Ақмарал. 

Кәмшат апа Қостанайдағы зәулім үйдің биігінен мейі­рім­ді жанарымен мұндай өсиет­ті бүкіл қазақ әйеліне де меңзеп отырғандай.

Нәзира ЖӘРІМБЕТ,

«Egemen Qazaqstan»

ҚОСТАНАЙ

Соңғы жаңалықтар

Жаға ұстатқан жат қылық

Аймақтар • Бүгін, 14:29

10 жыл субсидияланған саланың жыры

Экономика • Бүгін, 14:08

Басылым басшылары - Сауытбек АБДРАХМАНОВ (1951)

Басылым басшылары • Бүгін, 12:42

Елімізде ет қымбаттады

Қазақстан • Бүгін, 12:28

Басылым басшылары - Ержұман СМАЙЫЛ (1948-2018)

Басылым басшылары • Бүгін, 11:22

Баяғы жартас – бір жартас

Аймақтар • Бүгін, 10:56

Соңғы күндердің бораны сұрапыл

Аймақтар • Бүгін, 10:15

Өтініш-тілектер ескеріледі

Аймақтар • Бүгін, 06:51

Аманатқа қиянат жүрмейді

Таным • Бүгін, 06:49

Қараусыз малға ұры қас

Қоғам • Бүгін, 06:46

Табысты жылыстатудың жолдары

Экономика • Бүгін, 06:40

Шаңырақ неге шайқалады?

Қоғам • Бүгін, 06:35

Жүйелі жұмыс жалғасады

Саясат • Бүгін, 06:33

Мегаполистегі маңызды жобалар

Аймақтар • Бүгін, 06:30

Өткенге есеп, ертеңге бағдар

Аймақтар • Бүгін, 06:28

Атқарылған істер ауқымды

Аймақтар • Бүгін, 06:24

Сақтыққа салғырт емес

Қоғам • Бүгін, 06:20

Ұқсас жаңалықтар