Басқа басылымдардан
Сенбі, 31 наурыз 2012 7:55
ҚАРУСЫЗДАНУКӨШБАСШЫСЫ
Қазақстан ПрезидентіНұрсұлтан Назарбаевтыңбастамасы әлемназарында
_______________________________________
AP. РФ Президенті Дмитрий Медведев пен АҚШ Президенті Барак Обама бұрынғы Семей ядролық сынақ полигоны енді қатер туғызбайтынын мәлімдеді. Ресей басшысы, сондай-ақ мұны ядролық қауіпсіздік мәселелерімен айналысатын өзге елдер үшін нақты мысал болатынын атап өтті.
Сенбі, 31 наурыз 2012 7:55
ҚАРУСЫЗДАНУКӨШБАСШЫСЫ
Қазақстан ПрезидентіНұрсұлтан Назарбаевтыңбастамасы әлемназарында
_______________________________________
AP. РФ Президенті Дмитрий Медведев пен АҚШ Президенті Барак Обама бұрынғы Семей ядролық сынақ полигоны енді қатер туғызбайтынын мәлімдеді. Ресей басшысы, сондай-ақ мұны ядролық қауіпсіздік мәселелерімен айналысатын өзге елдер үшін нақты мысал болатынын атап өтті.
Дмитрий Медведев үш мемлекет 2004 жылдан бастап түсіністік жағдайда Семей полигонының зардаптарын жою мақсатында бірлескен жұмыстар жасап келе жатқанынан хабардар етті. Осыған байланысты Ресей басшысы Қазақстан Президенті Нұрсұлтан Назарбаевқа бұл мәселеде орнықтылық және белсенді көзқарас танытқаны үшін алғыс білдірді.
«Ресей мен АҚШ ядролық қауіпсіздік мәселесі жауапкершілігін өздеріне жүктеген мемлекеттер ретінде аталған проблемалармен айналысуға және оны шешуге ресурстар таба білді», – деді Д.Медведев. Барак Обаманың пікірінше, «соңғы бірнеше жылда үш ел ауқымды жұмыстарды жүзеге асырды». Ақ үй басшысы «қырғи-қабақ» соғыс кезінде Семей полигонында көптеген ядролық материалдар жиналып қалғанын атап өтті. «Біз ядролық материалдардың қауіпсіз орында болуына қол жеткіздік. Енді ондағы ядролық материалдар терроршылардың қолына түспейтіндей қорғалған», – деді АҚШ Президенті.
Сеулде Ядролық қауіпсіздік жөніндегі саммит өтті. Жиынның жұмыс отырыстарына 50-ден астам елдің және төрт халықаралық ұйымның басшылары қатысты. «Саммит алаңында» бірқатар шағын құрамдағы кездесулер жоспарланған еді. Сондай кездесудің бірі Ресей, АҚШ және Қазақстан президенттерінің арасында болды. Кездесуде Дмитрий Медведев үш мемлекеттің Семей полигоны жөніндегі ынтымақтастығы ядролық қауіпсіздік мәселесімен айналысатындарға үлгі болатынын атады.
«2004 жылдан бастап үш мемлекет: Қазақстан, АҚШ және Ресей Семей полигонын пайдаланудан қалған зардаптарды жоюмен айналысудамыз, – деді Дмитрий Медведев. – Сондай-ақ мен Ресей Федерациясы мен АҚШ-тың ядролық қауіпсіздік жауапкершілігін жүктеген мемлекеттер ретінде қажетті кооперация көрсеткенін атап өткім келеді».
TREND. Вашингтон саммитінен кейінгі екі жыл жаһандық ядролық қауіпсіздік саласында айтарлықтай жағдайларға толы болды. «Біріншіден, 2011 жылы Ядролық қаруды таратпау шартының аясында Шолу конференциясы өтті, – деді саммитте сөйлеген сөзінде Қазақстан Президенті Нұрсұлтан Назарбаев. – Екіншіден, екі жыл ішінде әлемде жоғары байытылған уранның үлкен көлемі жойылды. Әлемдегі отыздан астам мемлекет ядролық қауіпсіздік саласында ұлттық міндеттемелер қабылдады. Үшіншіден, 2010 жылы Астанада Ядролық терроризм актілерімен күрес жөніндегі жаһандық бастамалар конференциясы табысты өтті».
Нұрсұлтан Назарбаев, сондай-ақ Қазақстан ұлттық деңгейде 210 тонна ядролық отынды қауіпсіз сақтау үшін тасымалдау жобасын жүзеге асырғанын, Қазақстан «Үлкен сегіздік» елдеріне жаппай қырып-жоятын қарудың таралуымен күресте жаһандық әріптес ретінде шыққанын атап өтті. «Қазақстан Ядролық қауіпсіздік жөніндегі саммиттерді әр екі жыл сайын өткізуді ұсынады. Біз болашақта Астанада осындай саммиттердің бірін қабылдауға дайынбыз. Қазақстан АҚШ пен Ресей арасындағы Стратегиялық шабуылдау қаруын қысқарту туралы шарттың күшіне енуін қолдайды және Президент Барак Обаманың жаңа ядролық стратегиясына қолдау білдіреді. Ядролық қаруы бар елдердің барлығын осындай ізгі ниет көрсетуге шақырады», – деп атап өтті Қазақстан Президенті.