Қазақстан Президенті Н.Ә.Назарбаев «Нұр Отан» партиясының XVIII съезінде сөйлеген сөзінде ұлттық идеяны басшылыққа ала отырып, алға қарай дамудың маңыздылығын атап өтті. Меніңше, Қазақстан тәуелсіз мемлекет ретінде, партияның «Бақуатты қоғам: онжылдықтың 10 мақсаты» атты бағдарламасында толығымен көрініс табатын дамудың дұрыс бағытын таңдап, экономикалық өсу үшін жаңа мүмкіндіктерді барынша арттыра алады деп есептеймін. Біз Қазақстанның даму жолын мұқият қадағалап отырмыз. Қазақстанның ел Президенті белгілеген, 2030 жылға қарай әлемнің 30 жетекші елінің қатарына қосылу мақсатына қол жеткізетініне сенімдіміз.
Жалпы, мемлекеттің бәсекеге қабілеттілігін елдің әр азаматының әл-ауқатының деңгейі айқындайды. Осы орайда Қазақстанның 2018 жылғы республикалық бюджетінің жартысына жуығы әлеуметтік салаға бағытталғанын атап өткім келеді. Бұл теңдестірілген әлеуметтік саясат халыққа кең ауқымда қолдау көрсетудің кілті, ішкі тұрақтылықты қамтамасыз етудің тиімді жолы саналады.
Италияда әлеуметтік қамсыздандыру ісі – өткір мәселелердің бірі. Қазіргі таңда елімізде жаңа үкіметтің билікке келуімен әлеуметтік саясат түбегейлі өзгерді. Елдің басшылығы әлеуметтік тұрақтылықты қамтамасыз ету аса маңызды екеніне күмән келтірмейді. Реформа аясында Италия үкіметі ҚҚС-ны көтеруді тоқтатты, зейнеткерлік жасты азайтты, сондай-ақ ең төменгі базалық кірісті енгізді. Қазақстан да осы тұрғыда балалардың жәрдемақысын көтеру, көп балалы отбасылардың жағдайын жақсарту, тұрғын үймен қамтамасыз ету, әлеуметтік инфрақұрылымды жаңғырту және басқа да маңызды өзгерістерді жүзеге асыруды жоспарланып отыр.
Президенттің бастамалары табысты іске асырылатынына және басқа елдерге әлеуметтік бағдар ретінде үлгі болатынына сенімдімін.
Тициана ЧИПРИНИ,
Палата депутаты (Италия)