Қазақстан • 12 Наурыз, 2019

Алматы әуежайында Түркия азаматынан декларацияланбаған 10 000 еуро табылды

916 рет

көрсетілді

1 мин

оқу үшін

Бүгін таңғы 4-тер шамасында «Алматы» шекаралық бақылау отрядының шекара наряды «Алматы – Франкфурт» бағытындағы LH-647 әуе рейсін тексеру барысында 1977 жылы туған Түркия азаматынан декларацияланбаған 10 000 еуро тауып, актімен Жетісу кеден бекетінің қызметкерлеріне тапсырды. Бұл туралы ҚР ҰҚК ШҚ баспасөз қызметі хабарлады.

Алматы әуежайында Түркия азаматынан декларацияланбаған 10 000 еуро табылды

«Аталған отрядтың шекарашылары өткен мерекенің алдында дәл осы бағыттағы LH-649 рейстен 1989 және 1995 жылғы екі Түркия азаматын ұстаған болатын. Олар Түркия республикасының арнайы төлқұжаттарының сыртқы беттерін жұлып алып, орнына шетелге шығуға рұқсат беретін төлқұжаттың сыртқы беттерін жапсырып, шекарашыларды алдамақ болған екен» делінген хабарламада.

Сондай-ақ Алматылық әуе қақпасының шекарашылары тексеруге толық қолдан жасалған құжат ұсынған 1994 жылғы Дания азаматын да ұстаған.