- Соңғы жылдары облыста 180 шақырым қорғаныс бөгеттері салынып, орнатылған. Жағалауларды бекіту мақсатында өзен арналарының 46 шақырымында жұмыс жүргізілген. Қазіргі таңда су жіберу құбырлары мен автомобиль жолдары бойындағы шеңберлерді тазалау жұмыстары жүріп жатыр. Темір жол аумақтарында да көпірлер, су ағар арықтар қар мен мұздан, қоқыстан тазартылуда, - деді аппараттық жиында облыстық ТЖД басшысы Ибрагим Күлшімбаев.
Ол облыс бойынша 830 мың куб қар шығарылғанын атап өтті.
Үлкен судың қаупінен қорғау үшін елді мекендерде алдын алу жұмыстары жалғасып жатқанын тілге тиек етті. Су тасқынына мониторинг ғарыштан жүргізіледі.
Облыстың ірі су сақтау қоймаларында су лақтыру жұмыстары жүруде. 13 наурыздан бастап өзендерді жару жоспарланған.
- Барлық су тасқыны қаупі бар жерлер ерекше бақылауға алынсын. Су өту құбырларын уақытылы тазалап отыру керек. Бірінші кезекте, елдімекендерден қар шығару жұмыстары ұйымдастырылуы тиіс. Бұл әкімдердің міндеті. Су тасқындарына дайындалу тәжірибесі бізде бар. Техника мен құралдар да дайын. Тек жағдайды үнемі назарда ұстау керек. Біз төтенше жағдайларға жол бермеуіміз керек. Біздің басты мақсатымыз – адамдарды қорғау, - деді облыс әкімі Ерлан Қошанов.
