13 Наурыз, 2019

Мәскеуде қазақ суретшілерінің көрмесі ашылды

835 реткөрсетілді

Мәскеудегі Зураб Церетелидің өнер галереясында Ә. Қастеев атындағы өнер музейінің «Алпысыншы-жылғылар. Түркі  романтизмі» атты көрмесі ашылды. Көрмеде қазақ бейнелеу өнерінде «Алпысыншы жылғылар» деген атпен танымал болған  Салихитдин Айтбаев, Мақым Қисамединов, Шаймардан Сариев, Тоқболат Тоғысбаев, Бахтияр Табиев, Әбдірашит Сыдыханов, Еркін Мергенов, Төлеген Досмағамбетов, Вагиф Рахманов, Исатай Исабаев, Оралбек Нұржұмаев сынды туындыгерлердің іргелі шығармалары қойылған.

Көрме аясында Қазақстан мен Ресейдің мәдениет саласындағы қарым-қатынастарына арналған дөңгелек үстел өтті. Басқосуда шығармашылық пен сурет өнеріне қатысты  бірқатар маңызды мәселелер талқыланды. Отандық өнертанушылар Ресей Көркемсурет академиясының ғылыми қызметкерлерімен болашақтағы бірлескен жобалардың келешегі   тұрғысында пікір алмасты. Ә. Қастеев атындағы ҚР МӨМ баспасөз қызметінің жетекшісі Клара Исабаева қатысушыларға Елбасы Нұрсұлтан Назарбаевтың «Ұлы даланың жеті қыры» бағдарламалық мақаласында айтылған орамды ойларды мысалға келтіре отырып, музейдің қысқаша тарихы туралы баяндап берді. Ресейдегі ҚР Елшілігінің кеңесшісі Дәурен Дияров әр қилы мәдени оқиғалар мен екі ел арасындағы өзара байланыстар туралы атап өтті. Дөңгелек үстелде сөз алған Ресей Көркемсурет академиясының вице-президенті Виктор Калинин, РКА ғылым жөніндегі орынбасары Татьяна Кочемасова, өнертану кандидаты Ольга Юшкова, Ә. Қастеев атындағы өнер музейінің директоры, Гүлмира Шалабаева және музейдің жетекші ғылыми қызметкері Күлжазира Мұқажанова ортақ мәдени құндылықтарды болашаққа жеткізу турасындағы бірқатар пікірлерін ортаға салды.  

Профессор Гүлмира Шалабаева, музейлер мен өнертанушылар арасындағы байланыстың өте маңызды екенін, бұл айырмашылықтарды жоюға емес, керісінше қарым-қатынастарды одан ары нығайтып, бізді байытушы мәдениеттің осындай байланыстарды талап ететінін атап өтті.

«Мәдениеттер диалогы, Қазақстан мен Ресей арасындағы өзара мәдени байланыстарды нығайту өнердің толық қызмет етуі, суретшілердің шығармашылық өсуі, мәдени институциялар болып табылатын музейлер мен академиялар арасында тәжірибе алмасу үшін өте маңызды. Бұл жемісті жұмыс, өзара байыту және одан әрі даму жолдарын түсінуге жаңа күш береді», – деді ол.

Арман ОКТЯБРЬ,

«Егемен Қазақстан»

Соңғы жаңалықтар

Әлемдегі ахуал қандай?

Коронавирус • Бүгін, 10:57

Қызылорда: Тағы 3 адам тіркелді

Аймақтар • Бүгін, 09:57

ММА: UFC-ді сынға алды

Спорт • Бүгін, 09:20

Жұдырықтай жұмылайық

Руханият • Бүгін, 07:45

«Москваның» мәселесі көп

Аймақтар • Бүгін, 07:36

Зауалды бірлік жеңеді

Қоғам • Бүгін, 07:35

Жастар ауылдан кетпейді

Аймақтар • Бүгін, 07:34

Игіліктің бәрі халық үшін

Саясат • Бүгін, 07:25

Тұрғын үй бағасы қалай құбылады?

Экономика • Бүгін, 07:24

Ескінің жазығы – жаңаның қазығы

Руханият • Бүгін, 07:17

Гүлзада тіккен бетперде

Аймақтар • Бүгін, 07:12

Штаб құрылды

Аймақтар • Бүгін, 07:08

Елін өрге сүйрейтіндер

Руханият • Бүгін, 07:06

Бас қала әуежайының коды өзгерді

Қазақстан • Бүгін, 06:59

Төрімізде тұруы тиіс

Абай • Бүгін, 06:46

Ұқсас жаңалықтар