- Атаулы әлеуметтік көмек тағайындаған кезде отбасының жиынтық табысынан көпбалалы отбасыларға және «Күміс алқа» және «Алтын алқа» төс белгілерімен марапатталған көпбалалы аналарға төленетін мемлекеттік жәрдемақылар, сондай-ақ балаларға арналған мүгедектігі бойынша жәрдемақылар, стипендия алып тасталады.
Сонымен қатар, аз қамтылған отбасылардың балаларына 18 жасқа дейін, оқыған жағдайда 23 жасқа дейін ай сайын 20 789 теңге кепілдендірілген көмек төленетін болады, - деді Т. Дүйсебаев.
Ақпараттық жүйелерде мәліметтер тууы туралы куәлік, жеке куәлігі, т.б болмаған жағдайда халықты жұмыспен қамту орталықтары немесе ауылдық округтердің және кенттердің әкімдері тиісті мемлекеттік органдардан қажетті құжаттарды сұратып алдыратын болады.
Мемлекет басшысының тапсырмасымен атқарылып жатқан шаралар аз қамтылған отбасылар үшін осындай жақсылықтарымен келіп жатыр.
Бақтияр ТАЙЖАН,
«Egemen Qazaqstan»
Қызылорда облысы
