Қазақстан • 18 Наурыз, 2019

Таразда Шекара қызметінің офицеріне пара берген адам ұсталды

654 реткөрсетілді

Тараз қаласында  Шекара қызметінің Мемлекеттік қызмет және сыбайлас жемқорлықпен күрес агенттігі қызметкерлерімен бірлесе өткізген шараларының нәтижесінде Ұлттық қауіпсіздік комитеті Шекара қызметіне қарасты көлік тексеріп-өткізу пункттерінің бірінің бастығына 390 000 теңге пара берген 38 жастағы қазақстандық ұсталды. Бұл туралы ҚР ҰҚК ШҚ баспасөз қызметі хабарлады.

«Ол Шекара қызметінің офицеріне параны Қазақстаннан Қырғыз Республикасына қарай жанар-жағармай өнімдерін ешқандай кедергісіз өткізу үшін бермек болған. Қазір процессуалдық шаралар жүргізілуде» делінген хабарламада.

Шекара қызметі Мемлекеттік шекарадан жанар-жағармай өнімдерін ірі көлемде ғана емес, шағын көлемде де заңсыз өткізуге күн сайын тосқауыл қойып келеді. Өткен демалыс күндерінде ҚР ҰҚК Шекара қызметінің «Оңтүстік» өңірлік басқармасына қарасты Мырзакент, Қордай шекара отрядтарының «Жетісай-авто», «Қарасу-авто», «Ауқатты», «Сортөбе» өткізу бекеттерінде 800 литрдент астам дизель отынын, 60 литрге жуық «АИ-92» бензинін әртүрлі жолмен заңсыз алып өтпек болған 1 Өзбекстандық 3 Қырғыз Респубикасының және 1 Қазақстан Республикасының азаматтары ұсталды.

Баннер
Соңғы жаңалықтар

Ұқсас жаңалықтар