Алғашқы кезеңде қос команданың қақпасына бір-бір ғана доптан енген болса, одан кейінгі уақытта жерлестеріміздің үстемдігі еш күмән туғызған жоқ. Қалған үш кезеңде еркін ойқастап, басымдық танытқан жігіттеріміз айқын жеңіске қол жеткізді. Есеп – 11:5.
Естеріңізге сала кетейік, осы турнирдің тұсаукесер бәсекесінде де біздің жігіттер өз жанкүйерлерін қуантқан еді. Жаңа Зеландияға қарсы өткен сол кездесу 11:10 есебімен аяқталды.
Айтулы екі бірдей жеңістен кейін алты ұпайды қоржынға салған Қазақстанның ватерполшылары жарыс кестесінде жеке-дара көш бастап тұр. Одан кейінгі орындарға Қытай (4 ұпай), Аргентина (2 ұпай) және Жаңа Зеландия (0 ұпай) құрамалары жайғасты.
Ғалым СҮЛЕЙМЕН,
«Egemen Qazaqstan»
