Құпия материалдарды тексеруге қатысуда
Бейсенбі, 29 қараша 2012 7:35
Талдықорған қалалық сотының ғимаратында әскери қызметші В.Челахтың ісін қарау бойынша сот мәжілісі жалғасуда. Кеше сотталушы В.Челах сот мәжілісіне жеткізілді. Төрағалық етуші судья Е.Ахметжанов В.Челахқа іс бойынша айғақтама беруді ұсынса, сотталушы процеске қатысушылардың сұрақтарына сот ісі бойынша барлық айғақтарды тексеруді аяқтағаннан кейін барып қана жауап қайтаратынын мәлімдеді. Бұған қоса, В.Челах құпия құжаттарды тексеруге қатысуға тілек білдірсе, артынан кезекті мәрте процеске қатысудан бас тартып, сотталушының камерасына оқшауланды.
Бейсенбі, 29 қараша 2012 7:35
Талдықорған қалалық сотының ғимаратында әскери қызметші В.Челахтың ісін қарау бойынша сот мәжілісі жалғасуда. Кеше сотталушы В.Челах сот мәжілісіне жеткізілді. Төрағалық етуші судья Е.Ахметжанов В.Челахқа іс бойынша айғақтама беруді ұсынса, сотталушы процеске қатысушылардың сұрақтарына сот ісі бойынша барлық айғақтарды тексеруді аяқтағаннан кейін барып қана жауап қайтаратынын мәлімдеді. Бұған қоса, В.Челах құпия құжаттарды тексеруге қатысуға тілек білдірсе, артынан кезекті мәрте процеске қатысудан бас тартып, сотталушының камерасына оқшауланды.
Сот алдында сөз сөйлеген зардап шегуші Т.Кимнің өкілі сотталушы В.Челахқа моральдық зардабы үшін 7 млн. теңге сомасында азаматтық шағым түсірді. Аталған құжат қылмыстық іс материалдарына тіркелді.
Бейнежазбаны көргеннен кейін судья іс бойынша жүргізілген сараптаманың қорытындысын оқыды, сондай-ақ оқиға болған жерді қараудың хаттамасын жария етті.
Сағат 17.00-де сот «құпия» белгісі соғылған материалдарды тексеруге кірісті. Құпия материалдарға қолжетімділігі жоқ барлық процеске қатысушылар сот мәжілісі залын тастап шықты. Бұған дейін өзінің құпия материалдарды тексеру үдерісіне қатысуға тілегін білдірген сотталушы В.Челах сот залына жеткізілді.
Басқа процеске қатысушылар үшін судья 29 қараша, таңертеңгі сағат 9-ға дейін үзіліс жариялады.
Қазақстан Республикасы
Әскери сотының баспасөз қызметі.
