«Северанс» госпиталі Корея Республикасындағы алдыңғы қатарлы медициналық орталық әрі Азияның денсаулық сақтау жүйесіндегі көшбасшы болып табылады. Госпиталь мамандары Енсе университетінің академиялық базасында жұмыс істейді.
Қол қойылған келісім шарт бойынша аталған госпиталь мамандары қазақстандық дәрігерлерге ғылым және өнеркәсіптік медицина саласында тәжірибелік кеңестер береді. Осы меморандум аясында сонымен бірге денсаулық саласындағы заманауи технологиялар енгізу, аталған университет мамандарымен әзірленген бағдарлама аясында оқыту жоспарланған.
Эльвира СЕРІКҚЫЗЫ,
«Егемен Қазақстан»
