Руханият • 01 Сәуір, 2019

Алматыда «Жолбарысты құтқару» құжаттамалық фильмінің таныстырылымы өтті

320 рет көрсетілді

Қазақстандықтар 31 наурыздан бастап Discovery Channel каналынан жолбарысты қорғау жобасына орай түсірілген құжаттамалық фильмді тамашалауда. Жақында «Bekmambetov Cinema» Discovery Channel-мен бірлесіп, «Жолбарысты құтқару» құжаттамалық фильмінің таныстырылымын өткізген болатын. Фильмнің режиссері – «Оскар» сыйлығының иегері Росс Кауфман. Фильмде табиғаттың тарланы – жолбарыстар мен бар өмірін жануарларды қорғау ісіне арнаған кейіпкерлер өмірі суреттелген.

Фильм жолбарыстарды қорғаумен, оларды көбейтумен айналысатын  әлемнің ең ірі деген екі табиғи аумағында түсірілген.  Аталған жобаның Қазақстан үшін де маңызы жоғары.  Қазақстанда екі жылдан бергі аралықта жолбрыстарды көбейту жобасы белсенді жүзеге асып келеді. Бүгінде жоба аясында 415 мың гектарды алып жатқан Іле-Балқаш резерваты жұмыс істейді.

Таныстырылым барысында WWF Ресей Орталық Азия бағдарламаларының директоры Григорий Мазманянц тұран жолбарысының жойылып кету қаупіне байланысты әзірлеген зерттеу мақаласын оқыды. Сарапшы өз баяндамасында Іле-Балқаш резерватын дамыту Қазақстан үшін ғана емес жолбарыстарды әлем бойынша қорғауға бағытталған игі шара екенін атап өтті.

Қазақстандық Start-time.kz  краудфандинг платформасының директоры Азиза Утегенова «Іле-Балқаш» мемлекеттік табиғи резерваты жобасы туралы көпшілікті хабардар ету кампаниясының ашылғандығынан хабардар етті. Кампанияның жолбарыс туралы толық ақпарат бере отырып, әсіресе балаларға тиісті білім мен  тәжірибе берудегі маңызына тоқталған ол қазіргі кезде Хоум Кредит банк тарапынан бір миллион теңге аударылғандығын жеткізді.


Соңғы жаңалықтар

Ел біріншілігі басталды

Бокс • Бүгін, 07:42

Дубайда дайындалады

Теннис • Бүгін, 07:40

«Барыс» тағы жеңілді

Хоккей • Бүгін, 07:39

Кішкентай құтқарушы

Қоғам • Бүгін, 07:38

Жылу құбырындағы апат

Аймақтар • Бүгін, 07:32

Мұз құрсанған Екібастұз

Аймақтар • Кеше

Үміт сәулесі

Саясат • Кеше

Саңлақтың соңғы самғауы

Қазақстан • Кеше

Ұқсас жаңалықтар