Сәуір айының алғашқы күнінен бастап бизнес саласында бақылау-кассалары онлайн жүйеге өтуге тиіс. ҚР Қаржы министрінің бұйырығына орай 2019 жылы салық төлеушілер ақшалай есеп айырысулар кезінде деректерді тіркеу және (немесе) беру функциясы бар бақылау-касса машиналарының қызмет түрлерін қолдануды толықтай жүзеге асыратын болады. Салық төлеушілер барлығы 633 қызмет түріне, оның ішінде ағымдағы жылдың 1 сәуірінен бастап 323 қызмет түріне; 1 шілдеден бастап 86 қызмет түріне, 1 қазаннан бастап 224 қызмет түрі бойынша бақылау-кассалары онлайн жүйеге көшеді.
Онлайн-БКМ қолдану бойынша талап, қызметі ортақ пайдаланылатын телекоммуникациялар желiсi жоқ жерлерде қызметін жүзеге асыратын салық төлеушілерге қолданылмайды. Салық кодексінің 166-бабына сәйкес БКМ қолдану тәртібі реттелген. ҚР Салық кодексінің 166-бабының 1-тармағына сәйкес, республика аумағында ақшалай есеп айырысулар бақылау-касса машиналарын мiндеттi түрде қолданыла отырып жүргiзiледі.
Салық төлеушілер тиісті ақпараттармен www. pvl.kgd.gov.kz сайты арқылы таныса алады.
