«Біздің міндетіміз – Елбасы бағытын жалғастыру. Елдің жетістіктері мен ұлылығы. Бұл үшін негіз қаланған. Бес институттық реформа, Ұлт жоспары – «Қазіргі заман мемлекеті барлығы үшін» қабылданды, қоғам әлеуметтік және рухани жаңғыртуға белсенді кірісті. Елбасына біздің ең жақсы қолдауымыз – Қазақстан игілігі үшін адал және жанкешті жұмыс атқару. Біздің еліміздегі әлеуметтік-экономикалық және саяси реформалар жетістігінің даусыз негізі ретінде Нұрсұлтан Назарбаевтың есімі берілген Қоғамдық келісім мен жалпыұлттық бірліктің қазақстандық моделі болды. Қазақстан халқы Ассамблеясында жүзеге асырылған ол барлық азаматтардың этностық және діни тиістілігіне қарамастан нақты теңдігінің пәрменді тетігіне айналды. Бүгін біз дамудың жаңа кезеңіне қадам бастаймыз. Бізге Елбасының стратегиялық бағытының сабақтастығын қамтамасыз ету маңызды», деді ол.
ҚХА Хатшылығының басшысы сонымен қатар Қазақстан Президенті Қасым-Жомарт Тоқаев ант қабылдап, өңір әкімдерімен алғашқы кеңесін өткізгенін тілге тиек етті.
«Мемлекет басшысы атап өткендей, әлеуметтік әділ мемлекетке бағыт одан әрі жалғасады. Оны кешенді іске асыру «Нұрлы жол» бағдарламасы, Елбасының Жастар жылының ашылуында және Nur Otan партиясының XVIII съезінде берген Бес әлеуметтік бастамалар мен тапсырмалар аясында жүзеге асырылады. Сонымен қатар Елбасы атап өткендей, ұлтаралық қақтығысқа байланысты жекелеген әрекеттер ерекше алаңдаушылық туғызып отыр. Мұндай арандатушылық құқық тәртібі органдары тарапынан да, идеологиялық шаралармен де тез арада бөгелуі керек», деді Ж.Түймебаев.
Бұдан бөлек аталған ұйым Төрағасының орынбасары ҚХА жұмысын жаңа сапалы деңгейге шығару, әрбір қазақстандықтың елдегі өзгерулер үдерістеріне қатыстылығын қалыптастыру бойынша қызметіне ҚХА-ның барлық құрылымының белсенді қатысуы қажеттігін атап өтті.
Ассамблея Төрағасының орынбасары 2019 жылы 29 сәуірде өтетін «Бейбітшілік пен келісім формуласы: әлеуметтік бірлік және жаңғырту» атты ҚХА XXVII сессиясының маңыздылығына тоқталды.
«Бұл сессия біздің еліміздегі қоғамдық келісім мен жалпыұлттық бірлікті одан әрі нығайтуды қамтамасыз ете отырып, саяси күн тәртібіндегі маңызды оқиға болуы тиіс. Осыған орай оны жоғары идеологиялық және ұйымдастырушылық деңгейде өткізу қажет», деді аталған спикер.
Сонымен қатар Ж.Түймебаев Қазақстан халқы Ассамблеясының ағымдағы қызметі мен алдағы кезеңге арналған міндеттерін тілге тиек етті. Атап айтқанда, кездесу барысында «Қазақстан халқы Ассамблеясы туралы» заңды іске асыру мәселелері талқыланды. Бірінші кезекте – осы заңға өзгерістер мен толықтыруларды іске асыру жөніндегі іс-шаралар жоспарын орындау тұр.
Сондай-ақ Елбасының 2018 жылғы 5 қазандағы «Қазақстандықтардың әл-ауқатын арттыру: табыс пен өмір сүру сапасын арттыру» атты Қазақстан халқына Жолдауын іске асыру жөніндегі Ассамблеяның жалпыұлттық іс-шаралар жоспарын, Жастар жылын өткізу жөніндегі Жол картасын, «Рухани жаңғыру» бағдарламасын іске асырудың 2019 жылға арналған іс-шаралар жоспарын іске асыруға қатысу мәселелері талқыланды.
Кеңес отырысында ҚХА-ның барлық құрылымының: Қоғамдық келісім кеңесінің, аналар кеңестері, журналистер клубтары, медиаторлар, ҚХА кафедралары, ғылыми-сараптамалық топтар, мәслихаттардағы депутаттық топтар, кәсіпкерлер қауымдастықтары, ҚХА «Жаңғыру жолы» қозғалысы мен этномәдени бірлестіктер белсенділерінің жұмысын жандандыру мәселелері қаралды.
Жиын соңында ҚХА-ның өңірлік ассамблеялары үшін үлгі-модель ретінде Нұр-Сұлтан қаласы, Қостанай, Қызылорда облыстары ҚХА хатшылығының меңгерушілері атқарылған жұмыс туралы баяндаса, шығыстан келген маман өңірдегі Достық үйінің жұмыс тәжірибесімен бөлісті.
