Жазадан жалтарғандар жазаланады
Бейсенбі, 29 наурыз 2012 7:56
Біздің елімізде заңды аттап, қандайда болмасын қылмыс жасаған жандар жазалануға тиіс. Бірақ жасарын жасап, сосын айласын асырып қашып құтылып кетіп жатқан қылмыскерлер жүздеп саналады. Оларды ұстайды, қамайды, жазасын тарттырады деген тиісті органдар әлсіздік танытуда. Міне, осы орайда кеше Бас Прокурор Асхат Дауылбаевтың төрағалық етуімен Бас прокуратураның кеңейтілген алқа мәжілісі өтті.
Бейсенбі, 29 наурыз 2012 7:56
Біздің елімізде заңды аттап, қандайда болмасын қылмыс жасаған жандар жазалануға тиіс. Бірақ жасарын жасап, сосын айласын асырып қашып құтылып кетіп жатқан қылмыскерлер жүздеп саналады. Оларды ұстайды, қамайды, жазасын тарттырады деген тиісті органдар әлсіздік танытуда. Міне, осы орайда кеше Бас Прокурор Асхат Дауылбаевтың төрағалық етуімен Бас прокуратураның кеңейтілген алқа мәжілісі өтті.
Онда айыпталушыларды, тергеу, анықтау және сот органдарынан жасырынып жүргендерді, із-түзсіз жоғалғандарды және сот шешімін орындаудан жалтарып жүргендерді іздеу бойынша жедел-іздестіру қызметі заңдылығының жай-күйі қаралды. Талдау көрсеткендей, 2011 жылы ішкі істер және қаржы полициясы органдары 7311 қылмыскерді іздеген, олардың ішінде 1558-іне – мемлекетаралық, 60-ына – халықаралық іздеу жарияланған. Қабылданған шаралардың нәтижесінде 4640 қылмыскер, олардың ішінде 176-сы шетелден табылған. Сонымен қатар, республика бойынша әлі де 2266 қылмыскер табылмай отыр.
Қаржы полициясы органдарында қылмыскерлерді іздеу тиімділігі 12 пайызға төмендеген. 405 тұлға табылмаған, олардың арасында сыбайлас жемқорлық және лауазымдық қылмыстар жасаған 37, экономикалық қылмыс жасаған 352 адам бар көрінеді.
Ішкі істер және қаржы полициясы органдарында жедел бөлімшелер жұмысына тиісті ведомстволық бақылаудың жоқтығы жоғарыдағы келеңсіз қалыптасқан жағдайдың негізгі себептерінің бірі болып табылады. Прокурорлар жедел қызметкерлердің кінәсінен уақтылы іздестіру ісін қозғамаған 334 фактіні ішкі істер органдарынан, 28 фактіні қаржы полициясы органдарынан анықтады.
Талқылау қорытындысы бойынша іздестіру тиімділігін арттыру мақсатында уәкілетті органдарға қазіргі заманғы автоматтандырылған ақпараттық жүйелердің мүмкіндіктерін, атап айтқанда, арыздар мен хабарламаларды есепке алудың электронды кітабы мен із-түзсіз жоғалғандар туралы іздестіру істері бойынша ҚСАжЕК арнайы есебінің бірегейлендірілген мәліметтер қорын толығырақ пайдалану ұсынылды. Сонымен қатар, алқа атап көрсеткендей, әкімшілік жауапкершілікке тартылып отырған немесе жеке басын куәландыратын, жүргізуші куәлігін, мүлік құқығын тіркеу туралы құжаттарды алуға келген кез келген адамды арнайы есептер бойынша тексеру міндетті болуы тиіс. Осы мақсатта тіркеуші органдарға іздестірілуші адамдар туралы мәліметтер қорына енуге құқық беру тетіктерін жасау міндеті қойылды.
Сондай-ақ, мәжілісте қамауға алынғандарды және бас бостандығынан айыру орындарында қылмыстық жазаларын өтеп жатқандарды медициналық қамтамасыз ету жағдайы туралы мәселе жан-жақты талқыланды.
Сотталғандар арасында туберкулезді уақтылы тексеру мен диагностика жасауға арнайы аппараттардың болмауы кері әсерін тигізіп отыр. Мысалға, рентген аппараттардың жетіспеушілігі 46 пайызды құрайды. Диагностика жасауды және сотталғандарды мамандандырылған мекемелерге жіберуді уақтылы жүргізбеу салдарынан түзеу мекемелерінде туберкулезбен ауыру деңгейі азаматтық сектормен салыстырғанда 16 есе жоғары болып отыр.
Сондықтан Ішкі істер министрлігіне сотталғандарды ауру бойынша босатудан бас тартуға себеп болған арнайы медициналық комиссиялардың негізсіз қорытындылар беру фактілерін мұқият тексеру, сондай-ақ дені сау сотталғандарды туберкулезге қарсы мекемелерге негізсіз ауыстырып жіберу оқиғаларына түбегейлі баға беру тапсырылды.
Александр ТАСБОЛАТОВ.