Кадрлық әлеуеттің деңгейі артады
Сенбі, 14 сәуір 2012 7:43
Мемлекеттік құрылыстың тұрақтылығы мен қауіпсіздігін қамтамасыз ету ел дамуының барлық кезеңінде аса жауапты іс. Бұл орайда, Мемлекет басшысы жүргізіп отырған құқық қорғау жүйесін реформалау осы мақсаттың маңыздылығын айқындайды. Қазақстан Республикасының Президенті Н.Назарбаевтың биылғы Жолдауында қойылған міндеттерді іске асыру шеңберінде, Елбасының күні кешегі «Қазақстан Республикасы құқық қорғау органдарының қызметкерлерін кезектен тыс аттестаттаудан өткізу туралы» Жарлығы бұл тұрғыдағы шешуші қадамдардың басталғанын білдіреді. Ендеше полиция қызметкерлерінің ғана емес, бүкіл қоғам мүшелерінің көңілінен шыққан құжат салалық өзгерістерге серпінділік әкелетіні сөзсіз.
Сенбі, 14 сәуір 2012 7:43
Мемлекеттік құрылыстың тұрақтылығы мен қауіпсіздігін қамтамасыз ету ел дамуының барлық кезеңінде аса жауапты іс. Бұл орайда, Мемлекет басшысы жүргізіп отырған құқық қорғау жүйесін реформалау осы мақсаттың маңыздылығын айқындайды. Қазақстан Республикасының Президенті Н.Назарбаевтың биылғы Жолдауында қойылған міндеттерді іске асыру шеңберінде, Елбасының күні кешегі «Қазақстан Республикасы құқық қорғау органдарының қызметкерлерін кезектен тыс аттестаттаудан өткізу туралы» Жарлығы бұл тұрғыдағы шешуші қадамдардың басталғанын білдіреді. Ендеше полиция қызметкерлерінің ғана емес, бүкіл қоғам мүшелерінің көңілінен шыққан құжат салалық өзгерістерге серпінділік әкелетіні сөзсіз.
Міне, соған орай, бұл күндері Ақмола облыстық ішкі істер департаментінің кадрлық қызметі қауырт жұмыстар құшағында. Барлық құрылымдық жүйелерде Жарлық мәтіні мен Ережелерін түсіндіру, оны жүзеге асыру бойынша жұмыс органдары құрылды. Қазір департамент штатында үш мыңнан астам адам бар. Кадрларды іріктеу жүйесін жетілдіру, оларды орналастыру, жеке құрамды оқыту мен қайта даярлықтан өткізу, айналып келгенде, сапалық құрамды қамтамасыз ету күн тәртібінен түспейтін дәстүрлі ісіміз. Осы орайда, жыл ішінде қатарымызға 114 жас қызметкер қосылғанын, тағы да 25 курсантты арнайы жолдамамен күтіп отырғанымызды айтқым келеді. Яғни, қатарымыз жыл санап жасара түсуде.
Полиция қатарына конкурстық тәртіппен қабылдау бізге еркін іріктеу мүмкіндігін беріп отыр. Ал басшы құрамға 200-ден астам қызметкер үміткер ретінде тіркелген. Олар кәсіби және ұйымдастырушылық қабілетімен танылған жандар. Сондай-ақ, бізге департаменттегі ардагерлер кеңесі, офицерлік және полициялық жиналыстар кезектен тыс аттестаттаудан өткізуде үлкен көмекші болатынына сенеміз. Бұл белсенді қоғамдық ұйымдар былтыр 123 офицерлік және 112 полициялық жиындарды өткізуге ұйтқы болды. Онда қызметтік-әскери тәртіпті бұзуға қатысты 114 тәртіптік мәселе қаралып, 45 қызметкер әкімшілік жауапкершілікке тартылды. Ішкі істер департаментіндегі тәртіптік кеңестің 14 мәжілісінде 23 мәселе қаралып, сыбайластық көріністегі әрекеттері үшін 8 адам қызметінен босатылды. Осы мысалдардың өзі Елбасы Жарлығына сай өткізілетін кезектен тыс аттестаттау талап деңгейінде жүргізілетінін көрсетеді.
Мейрам ӘБІКЕЕВ, Ақмола облыстық ІІД бастығының орынбасары, полиция полковнигі.
КӨКШЕТАУ.
