Сенім сынағы
Сейсенбі, 24 сәуір 2012 7:14
Елбасы Н.Назарбаевтың халқымызға арнайтын жыл сайынғы Жолдаулары тәуелсіз Қазақстан дамуының стратегиялық міндеттерін нақты жүзеге асырудың кепілді кілтіне айналып отырғанын өмірдің өзі айқын дәлелдеуде. Бұл елімізде жүзеге асырылып жатқан ұлан-ғайыр өзгерістердің барлығы алдын ала терең сараланып талданғанын, оны іске асырудың мықты негіздері қаланғанын көрсетеді. Президенттің «Қазақстан Республикасы құқық қорғау органдарының қызметкерлерін кезектен тыс аттестаттаудан өткізу туралы» биылғы 8 сәуірдегі Жарлығы да 2012 жылғы «Әлеуметтік-экономикалық жаңғырту – Қазақстан дамуының басты бағыты» аталған Жолдау талаптарынан туындаған маңызды қадам деп білеміз.
Сейсенбі, 24 сәуір 2012 7:14
Елбасы Н.Назарбаевтың халқымызға арнайтын жыл сайынғы Жолдаулары тәуелсіз Қазақстан дамуының стратегиялық міндеттерін нақты жүзеге асырудың кепілді кілтіне айналып отырғанын өмірдің өзі айқын дәлелдеуде. Бұл елімізде жүзеге асырылып жатқан ұлан-ғайыр өзгерістердің барлығы алдын ала терең сараланып талданғанын, оны іске асырудың мықты негіздері қаланғанын көрсетеді. Президенттің «Қазақстан Республикасы құқық қорғау органдарының қызметкерлерін кезектен тыс аттестаттаудан өткізу туралы» биылғы 8 сәуірдегі Жарлығы да 2012 жылғы «Әлеуметтік-экономикалық жаңғырту – Қазақстан дамуының басты бағыты» аталған Жолдау талаптарынан туындаған маңызды қадам деп білеміз.
Аттестаттау – сенім сынағы. Тереңірек бойласақ, қоғамның іргетасын нықтайтын тұтқалардың беріктігі мен заман үдерісіндегі міндеттерді игілікке айналдырудағы қабілет-қарымның мінсіздігін орнықтыру болып табылады. Ал құқық қорғау органдары мемлекеттік мүдделердің іске асырылуын жүзеге асырушы жанды құрылым. Сондықтан, оған қоғамның, адамның биік сенімін арқалау жауапкершілігі жүктелген. Өйткені, халық өзінің күнделікті тіршілігінде осы құрылымдар арқылы мемлекет пен билік қатынасындағы әлеует пен жанашырлықты елестетеді. Мемлекеттік құрылыстың күрделі кезеңінде оларға деген талап пен сұраныс өсе түспек. Осы тұрғыдан алғанда, Елбасы Жарлығы халық тарапынан аса қажетті шара ретінде қабылданды.
Жарлықта атап көрсетілгеніндей, біздің елімізде бақылаудың көп деңгейлі жүйесін оның барлық кезеңінде көздейтін іс-шара бірінші рет өткізілуде. Бұл шешуші қадамдарға бару қажеттігін алға тартатын жағдай. Ақмола облысында 3 мыңнан астам полиция қызметкері жұмыс істейді. Бұл айбынды сапта қиналғанда тіреніш, жан дүниеңе демеу болар азаматтар жеткілікті. Дегенмен, санның сапаға айналуын көздейтін заманның көзімен қарағанда, оның ішінде талғамнан төмен түсіп жататындардың барлығы жасырын емес. Елге берген антынан адасып, абыройын төккендер де кездеседі. Үнемі халықтың ортасында жүретін құқық қорғау саласының өкілі ең алдымен Қазақстан заңнамаларын жетік білуі тиіс. Иықтағы погон адалдықты, әділдікті, тәртіпті, психологиялық салқынқандылықты міндеттейді. Қарапайым адамгершілік қағидаттарын сақтамау адам құқықтарын шектеуге алып келеді. Оны мемлекеттік билік органдарына, «Нұр Отан» ХДП облыстық филиалына түсіп жатқан сан алуан өтініш-шағымдар мазмұны айқын аңғартады.
Қазіргі офицер кадрлардың жауапкершілігі арттырылуы керек. Олар жұмыстың ескі әдісінен арылып, халыққа, қызметтік тұрғыдағы адамдарға жақындай түсуі тиіс. Өркөкірек басшыға ешкім де сырын ашып, одан жақсылық күтпейтіні анық.
Ғалым ШОЙКИН, «Нұр Отан» ХДП Ақмола облыстық филиалы төрағасының бірінші орынбасары, саясаттану ғылымдарының кандидаты.
Ақмола облысы.
