![Рудныйдағы құс фабрикасында 5 мыңнан аса құс жанып кетті](/media/2019/04/10/20190408_061810.jpg)
«Жас қанат - 2006» құс фабрикасының 2018 жылы бөлек салынған бір қабатты ғимаратынан өрт шыққаны жөнінде дабыл таңғы 05.25 минутта түсісімен өрт сөндірушілер оқиға болған жерден табылып, тілсіз жау 07.05-те ауыздықталған. Өрт 110 шаршы метр жерді шарпыды, оның 10 шаршы метрі цех та, қалған 100 шаршы метрі шатыры болатын. Тілсіз жаудың салдарынан 5 126 бас тауық қырылып қалды, сонымен қатар ғимараттағы электр желілері, құстың саңғырығын шығаратын құралдар бүлінді.
Қазір материалдық шығындар қалпына келтіріліп жатыр. Өртті сөндіруге жеке құрамнан 32 адам және өрт сөндіретін 6 техника қатысты. Көмекке Рудный қаласындағы өрт сөндірушілер, Соколов-Сарыбай кен өндіру бірлестігінің және Қостанай қаласындағы өрт сөндіру бөлімінің қызметкерлері жұмылдырылды.
Құс фабрикасында өрт-сынақ лабораториясы жұмыс істейді. От ұшқыны электр сымдарының тұйықталуынан кеткен.