Спорт • 12 Сәуір, 2019

Кәсіпқой бокс: Жәнібекке жанкүйер болайық!

773 рет көрсетілді

Ертең АҚШ-тың Лос-Анджелес қаласындағы «Staples Center» аренасында кәсіпқой бокстан дүбірлі жарыс ұйымдастырылады. Сол кеште қазақтың ұлы Жәнібек Әлімханұлы да өнер көрсетеді.

Айтулы додада рингке көтерілетін боксшылардың барлығы да бүгін салмақ өлшеу рәсімінен өтті. Орта салмақтағы Жәнібек Әлімханұлы өзінің көңіл-күйі жақсы және осы жекпе-жекте жеңіске жету үшін барын салатынын айтты. 25 жастағы қандасымыз 27 жастағы Мексиканың мықтысы Кристиан Оливаспен айқасады. Қарсыласы осы күнге дейін 20 кездесу өткізіп, 16 рет жеңіске жеткен екен. 13 бәсекені ол мерзімінен бұрын аяқтады. Осы тартыста басымдық танытқан боксшы WBO Global және WBC Continental Americas нұсқалары бойынша алтын белбеуді иеленеді.

 Лос-Анджелестегі бокс кешінің басты жекпе-жегі WBA (Super) және WBO нұсқалары бойынша әлем чемпионы атанып отырған украиналық Василий Ломаченко мен ұлыбританиялық Энтони Кролл арасында өтеді. Жеңімпазға берілетін алтын белбеуден бөлек, бұл бәсекенің жүлде қоры да мол. Мәселен, осы жекпе-жегі үшін Ломаченко 1,2 миллион, ал Кролл 300 мың АҚШ доллары мөлшерінде гонорар алады.  

Соңғы жаңалықтар

ШҚО-да алып бала дүниеге келді

Аймақтар • 27 Қаңтар, 2023

Ұқсас жаңалықтар