Спорт • 12 Сәуір, 2019

Әйелдер күресінен алғашқы жүлделер сарапқа салынды

1025 рет
көрсетілді
1 мин
оқу үшін

Румыния астанасы – Бухаресте күрес түрлерінен Еуропа чемпионаты жалағасуда. Кеше боз кілемге шыққан әйелдер бес салмақ дәрежесі бойынша түрлі-түсті жүлделерді сарапқа салды.

Әйелдер күресінен алғашқы жүлделер сарапқа салынды

Жарыстың алғашқы күні Украина құрамасының қарқыны күшті болды. Олар үш салмақ дәрежесінде топ жарса, Болгария мен Түркия балуандарына бір-бір бас жүлдеден бұйырды. Сондай-ақ, жүлде алғандар қатарында Беларусь, Румыния, Ресейғ Әзірбайжан, Чехия, Швеция, Латвия, Австрия, Венгрия және Германияның спортшылары бар. Ал түрлі салмақ дәрежелері бойынша есімдері төменде аталған балуандар жеңімпаз және жүлдегер атанды:  

50 кило: 1. Оксана Ливач (Украина) 2. Миглена Селишка (Болгария) 3. Ксения Станкевич (Беларусь) пен Эвин Демирхан (Түркия) 
55 кило: 1. Ирина Гусяк (Украина) 2. Эвелина Николова (Болгария) 3. Андреа Ана (Румыния) мен Бедиха Ган (Түркия)
59 кило: 1. Биляна Дудова (Болгария) 2. Светлана Липатова (Ресей) 3. Эльмира Гамбарова (Әзірбайжан) мен Элиф Есилирмак (Түркия)
68 кило: 1. Алла Черкасова (Украина) 2. Адела Хазликова (Чехия) 3. Дженни Франссон (Швеция) мен Анастасия Григорьева (Латвия)
76 кило: 1. Ясемин Адар (Түркия) 2. Мартина Кюнц (Австрия) 3. Жанетт Немеш (Венгрия) пен Элин Фокен (Германия)

Бүгін әйелдер күресі өкілдері өз жарысын қорытындылайды. Сонымен қатар, алдағы екі күнде грек-рим күресі шеберлерінің бәсекелерін тамашалайтын боламыз.