Жарыстың алғашқы күні керемет қарқын танытқан Украина құрамасы үш салмақ дәрежесінде топ жарып, Болгария мен Түркия балуандарына бір-бір бас жүлдеден бұйырған еді. Келесі күні украиналықтар жеңіп алған алтындарының санын төртке жеткізіп, жалпы командалық есепте жеке-дара көш бастады. Болгарияның да әнұраны Бухаресте екінші мәрте шырқалды. Сондай-ақ, сол күні Ресей, Венгрия және Әзербайжанның да спортшылары жеңіс тұғырының ең биік сатысына көтерілді.
Еуропа чемпионатының жеңімпаздары және жүлдегерлері:
53 кило: 1. Стальвира Оршуш (Ресей) 2. Лилия Хоришна (Украина) 3. Ванесса Колодинская (Беларусь) 3. Джессика Блажка (Голландия)
55 кило: 1. Ирина Гусяк (Украина) 2. Эвелина Николова (Болгария) 3. Андреа Ана (Румыния) мен Бедиха Ган (Түркия)
59 кило: 1. Биляна Дудова (Болгария) 2. Светлана Липатова (Ресей) 3. Эльмира Гамбарова (Әзірбайжан) мен Элиф Есилирмак (Түркия)
62 кило: 1. Таибе Юсеин (Болгария) 2. Аврора Кампанья (Италия) 3. Марианна Шастин (Венгрия) 3. Татьяна Омельченко (Әзірбайжан)
68 кило: 1. Алла Черкасова (Украина) 2. Адела Хазликова (Чехия) 3. Дженни Франссон (Швеция) мен Анастасия Григорьева (Латвия)
76 кило: 1. Ясемин Адар (Түркия) 2. Мартина Кюнц (Австрия) 3. Жанетт Немеш (Венгрия) пен Элин Фокен (Германия)
Бүгін және ертең грек-рим күресі шеберлері арасындағы бәсекелер барысында Еуропа чемпионы атағы қай балуандарға бұйыратыны белгілі болады.
