Тиімді басқару кепілі – қауіпсіздік пен тұрақтылық

Бейсенбі, 28 маусым 2012 7:17

Кеше Экономикалық қылмысқа және сыбайлас жемқорлыққа қарсы күрес (Қаржы полициясы) агенттігінде Астана қаласындағы Еуропадағы қауіпсіздік және ынтымақтастық ұйымымен (ЕҚЫҰ) бірлескен сындарлы шара ұйымдастырылды. Бұл ЕҚЫҰ-ның 20-шы экономикалық-экологиялық форумына дайындық аясындағы «Тиімді басқару арқылы қауіпсіздік пен тұрақтылықты баянды ету» атты кездесу деп аталды.

Бейсенбі, 28 маусым 2012 7:17

Кеше Экономикалық қылмысқа және сыбайлас жемқорлыққа қарсы күрес (Қаржы полициясы) агенттігінде Астана қаласындағы Еуропадағы қауіпсіздік және ынтымақтастық ұйымымен (ЕҚЫҰ) бірлескен сындарлы шара ұйымдастырылды. Бұл ЕҚЫҰ-ның 20-шы экономикалық-экологиялық форумына дайындық аясындағы «Тиімді басқару арқылы қауіпсіздік пен тұрақтылықты баянды ету» атты кездесу деп аталды.

Кездесуге Қаржы полициясы агенттігінің басшылығы мен жеке құрамы, Сыртқы істер министрлігінің сыртқы саяси талдау және болжамдау комите­тінің төрағасы С. Әбдікәрімов, Астанадағы ЕҚЫҰ орталығы­ның басшысы Наталья Зарудна, ҚР мемлекеттік органдарының, үкіметтік емес және халық­ара­лық ұйымдардың өкілдері қа­тысты.

Іс-шараның мақсаты – Қа­зақ­станда мемлекеттік басқару аясында сыбайлас жемқор­лық­қа қарсы күрес, заңсыз жолмен алынған кірістерді заңдас­ты­руға (жылыстатуға) және тер­роризмді қаржыландыруға қар­сы іс-қимыл мәселелері бойынша ұлттық салалы мемлекеттік ведомстволардың, қаржы инс­ти­туттарының, ғылыми мекеме­лердің, жекеменшік сектордың, үкіметтік емес және халық­ара­лық ұйымдардың күшін бірік­тіру және ынтымақтастықтың деңгейін көтеру болып табылады.

Кездесу барысында ЕҚЫҰ- ның Астаналық декларациясында және ЕҚЫҰ-ның 20-шы эконо­ми­калық-экологиялық форумда белгіленген міндеттер мен басымды мәселелерге шолу жасалды. Сыбайлас жемқор­лық­қа қарсы іс-қимыл және заңсыз жолмен алынған кі­рістерді заң­дастыру (жылыстату) және тер­роризмді қаржы­ландыруға қар­сы күрес аясында ұлттық заңна­маның халық­ара­лық стандарт­тарға сәйкестігіне талдау жүр­гізілді. Сондай-ақ заңсыз жолмен алынған кіріс­терді заң­дастыру (жылыстату) және тер­роризмді қаржыланды­руды анық­­тау, қылмыстың алдын алу мен жолын кесу барысында ұлттық әлеуетті күшейту, мем­лекеттік секторда әділдік пен этикалық мінез-құлықты арттырып, мемлекеттік ақша қара­жаттарын және бюджетті мақ­сатты жұмсауға назар аудару қажеттігі айтылды. Сыбайлас жемқорлыққа қарсы тұру және заңсыз жолмен алынған кіріс­терді заңдастыру (жылыстату), терроризмді қаржылан­дыруға қарсы іс-қимылдың жа­ңа тиімді әдістерін қалып­тас­тыру ісінде азаматтық қоғам, академиялық және іскерлік топ­тардың шешу­ші рөлін арттыру қаралды.

Аталған кездесуде Қазақ­стан Республикасының мемле­кеттік органдары, «Ар.Рух.Хақ», «Транс­­­­­­перенси Казахстан», «Сандж» зерттеу орта­лы­ғы си­яқты және т.б. қо­ғамдық ұйым­дардың, бизнес өкілдері­нің, халықаралық ұйымдардың жә­не дипломатия­лық өкілдік­тердің (ҚР Еуро­палық кеңестің делегациясы, ҚР БҰҰ өкілдері, Нидерланды ҚР елшілігі, Ор­талық Азиядағы ЮСАИД (АҚШ халықаралық даму жө­ніндегі агенттігі) аумақтық миссиясы­ның өкілі, Қазақстан Рес­пуб­ли­касындағы Дүние­жү­зі­лік банк өкілі, ҚР АҚШ ел­шілігі) қа­тысты.

Кездесуді өткізудің нәтиже­сінде ұлттық деңгейдегі сыбайлас жемқорлыққа қарсы іс-қи­мыл және заңсыз жолмен алын­ған кірістерді заңдастыру (жылыстату), терроризмді қаржы­лан­дыруға қарсы іс-қимыл саласында заңнамалық және прак­тикалық қызметтің тиімді­лігін арттыру бойынша ұсы­ныстар мен ұсынымдар әзірлеу қаралды. Бұлар ағымдағы жыл­ғы қыркүйекте Прага қаласын­да ЕҚЫҰ-ның жоғары деңгей­дегі кездесуінде қазақстандық делегация ұсына алатын ұсы­ныстар дайындауға көмегін ти­гізеді деп күтілуде.

Александр ТАСБОЛАТОВ,

«Егемен Қазақстан».