Олимпиадада төреші болады
Бейсенбі, 5 сәуір 2012 7:35
Күрес түрлерінен халықаралық дәрежедегі төреші Бақытжан Жақсықұлов Сербияның Белград қаласында өткен Еуропа чемпионаты кезінде Олимпиадаға баратын төрешілердің қатарына қосылды.
Ол енді боз кілемде грек-рим, еркін және әйелдер күресінен 49 төрешімен бірге Олимпиадада төрелік жасайтын болады. Еуропа чемпионаты кезінде болған іріктеу сынынан сүрінбей өткен Б.Жақсықұлов Халықаралық Олимпиадалық комитеттің барлық ережелеріне сәйкес төрт жылдықтың басты бәсекесіне лайық төреші деп танылды. Естеріңізге сала кетсек, бұған дейін 2004 жылы күрес түрлерінен Сейітхан Тілешов тұңғыш рет Афина Олимпиадасына төрелік еткен болатын. Ал 2008 жылы бұл қатарда біздің елімізден төреші болмады.
