Аймақтар • 24 Сәуір, 2019

«Атырау-ақпарат» өкілдері – бас басылымда

606 реткөрсетілді

Еліміздің бас басылымы кейінгі жылдары өңірлердегі бұқаралық ақпарат құралдарымен берік байланыс орнатып келе жатқаны бел­гілі. Мәселен, былтыр «Egemen Qazaqstan» газетінің редакциясына Қызылорда және Шығыс Қазақстан облыстарының журналистері келсе, биыл бұл үрдісті Атырау өңірінен келген әріптестер жалғады.

«Атырау-ақпарат» медиа хол­дингіне қарасты «Атырау» және «Прикаспийская коммуна» облыс­тық газеттері мен «Серпер», «Кең Жылой», «Мақат тынысы» сияқты 7 аудандық газеттің бас редакторлары мен тілшілері ел газетінде екі күн бойы болып, өзара тәжірибе алмасты, шеберлік сағаттарына қатысты.

Бас басылым басшысы Д.Қыдырәлі аталған басқосудың қа­зір­гі ақпарат нарығындағы бәсеке­лестік жағдайында маңызы зор екенін атап өтіп, дәстүрлі басы­лым­дардың сапалы контентін қа­лып­тастыру бағытындағы медиаменеджментке қатысты ойларымен бөлісті. Сондай-ақ «Egemen Qazaqstan» республикалық газеті мен «Атырау-ақпарат» ЖШС басшылары өзара әріптестік туралы меморандумға қол қойып, алдағы уақытта да екіжақты тығыз қарым-қатынас орнатуға уағдаласты.

«Отанымыздың шалғай шетіндегі өңір ретінде бізге осы іспетті кәсіби байланыстардың берері мол», дейді атыраулық әріптестер.

Баннер
Соңғы жаңалықтар

Кеуректің ащы дәмі

Қазақстан • Кеше

Ұлы дала өрнектері

Аймақтар • Кеше

Өгіз аяң өндімейді

Аймақтар • Кеше

Ғарыш пен жарыс

Қоғам • Кеше

Ұқсас жаңалықтар