Үндеуде: «Қасым-Жомарт Кемелұлы – аты дүниежүзіне мәлім, дипломатиялық қызметтің барлық сатысынан өтіп, Біріккен Ұлттар Ұйымында еліміздің өкілі болған тәжірибелі саясаткер. Қиын экономикалық кезеңде премьер-министр қызметін атқарған. Халықтың өмір сүру сапасы мен қаражат табысын қалайша арттыру керектігін жақсы түсінетін жанашыр.
Өзінің «Сабақтастық, Әділдік, Өрлеу» сайлауалды бағдарламасында Қасым-Жомарт Тоқаев әр қазақстандық азаматқа тең мүмкіндік берілетініне баса назар аударған. Бұл ұстаным қоғамдық өмірдің барлық салаларын қамтиды.
Сондықтан біз, «Қызылорда – Невада – Семей» қоғамдық бірлестігі мүшелері, «Nur Otan»партиясының атынан ҚР Президенттігіне кандидат ретінде ұсынылған Қасым-Жомарт Тоқаевты қолдаймыз. Барлық қызылордалықтарды татулық пен бірлікке және басты құндылықтарымызға құрметпен қарауға, Үндеуімізді қабыл алып, Тоқаевқа дауыс беруге шақырамыз»,-делінген.
