Аймақтар • 16 Мамыр, 2019

«Астана» ХК жасөспірімдер арасында Қазақстан чемпионы атанды

654 реткөрсетілді

Астаналық хоккей мектебі 2014/2015 маусымда да үздік деп танылған болатын деп хабарлайды қала әкімдігінің ресми сайты.

Шайбалы хоккейден «Астана» командасы (А тобы) Өскеменде ақтық ойындарда жеңіске жетіп, Қазақстан чемпионы атанды. 

Елордалық №10 мамандандырылған балалар-жасөспірімдер спорт мектебінің (№10 МБЖСМ) шәкірттері қорытынды кезеңде ешкімге есе жібермей, алтынға қол жеткізді. Өскемендік «Торпедо» командасы күміс медальмен екінші орынға тұрақтады. Ал, астаналық «Барыс» шайбалы хоккейден ел чемпионатының қола жүлдесіне ие болды. 

«Айта кетейік, 2018/2019 маусымда №10 МБЖСМ хоккейшілері 28 кездесу өткізді, оның тек біреуінде жеңіліс тапқан. Команда 75 ұпай жинап, 188 шайбаны қарсыластар қақпасына дөп кіргізген. Сонымен қатар, Нұр-Сұлтан қаласының спортшылары үздіктер қатарынан да табылды. Шабуылдаушылар ішінде елордалық команда капитаны Темірлан Китаров көш бастады. Ол гол+пас жүйесі бойынша 58 (25+33) ұпай жинады. Ал, қорғаушылар арасында №10 МБЖСМ өкілі Дмитрий Бреус 49 (24+25) ұпаймен бірінші орын алды», – деп мәлімдеді мәдениет және спорт басқармасында. 

Астаналық хоккей мектебінің бұдан өзге де жетістіктері бар. Нұр-Сұлтан қаласы әкімдігінің Хоккей мектебі 2014/2015 маусымда да үздік деп танылған болатын.

Баннер
Соңғы жаңалықтар

Ұқсас жаңалықтар