Сеулде ота жасаған қазақ хирургі

Жұма, 18 қаңтар 2013 7:03

 Осы күні қоғамда «медицина саласындағы жоғары білім ақы­лы болғалы бері, жас дәрігерлер­дің біліктілігі төмендеп кетті» деген пікір де бар. Біздіңше, мә­селе оқудың ақылы, не ақысыз болғанында емес. Жас дәрігер­лер­дің арасында да небір талантты жандар бар. Солардың бірі – Қазақстан Республикасы Іс бас­қармасы Медициналық орталы­ғына қарасты аурухананың қан тамырлары хирургі Берік Қай­кенов. Қостанай облысындағы Рудный қаласында туған Берік шын мәніндегі өз ісінің шебері. Бірде, аяғы мүлдем қарайып, кесуге келісімін беріп келген бір азаматты Берік бауырымыз: – «Жоқ, емдеп, жазуға болады. Аяқ­сыз қалай жүресіз. Тәуекел, сіздің өз көмегіңізбен сырқаты­ңыздан айықтырып көрейін»,

Жұма, 18 қаңтар 2013 7:03

 Осы күні қоғамда «медицина саласындағы жоғары білім ақы­лы болғалы бері, жас дәрігерлер­дің біліктілігі төмендеп кетті» деген пікір де бар. Біздіңше, мә­селе оқудың ақылы, не ақысыз болғанында емес. Жас дәрігер­лер­дің арасында да небір талантты жандар бар. Солардың бірі – Қазақстан Республикасы Іс бас­қармасы Медициналық орталы­ғына қарасты аурухананың қан тамырлары хирургі Берік Қай­кенов. Қостанай облысындағы Рудный қаласында туған Берік шын мәніндегі өз ісінің шебері. Бірде, аяғы мүлдем қарайып, кесуге келісімін беріп келген бір азаматты Берік бауырымыз: – «Жоқ, емдеп, жазуға болады. Аяқ­сыз қалай жүресіз. Тәуекел, сіздің өз көмегіңізбен сырқаты­ңыздан айықтырып көрейін», деп ауру жанның жанына медеу та­уы­п, емге кіріскені бар. Содан, араға айлар салып, әлгі азамат Беріктің шипалы қолының, сәтті емінің арқасында құлан-таза са­уы­ғып, еліне қайтты.

 Небәрі отызға да толмаған жас жігіттің шеберлік шыңына көтерілгенін осындай жүздеген мысалдардан көруге болады. Был­тырғы жазда Берік Талғат­ұлы Оңтүстік Кореяның Сеул қала­сында біліктілік тәжірибесі­нен өтіп, сондағы орталық емха­на­лардың бірінде күрделі ота жа­сауға қатысып қайтты. Сеулдік­тер қазақтың жас дәрігерінің өз ма­мандығын жоғары деңгейде игер­геніне ризашылықтарын біл­дірді. Жас хирург кабинетінің алды қашанда емделушілерге толы. «Берік Талғатұлы келді ме екен, ол кісінің қолы босады ма екен?» – деген халықтың қарасы қашан­да көп. Беріктің дәрігерлік тағы бір жақсы қыры  – алдына қина­лып келген сырқаттардың сөнуге айналған үмітін бірден тұтатып жібере алуында. «Со­ғыс­та әке-аталарымыз қол-аяқ­тарын оқ жұ­лып кеткенде де Отан үшін алға деп шабуылға шыға берген. Сіз де денсаулығым үшін деп, сыр­қатыңызбен шай­қасқа тайсалмай қарсы тұруыңыз керек. Қандай кеселді де адам­ның өзі бастап, емдеуші дәрігері қостап, жеңуіне болады. Сіздің сырқатыңыздың да емін табамыз. Тек, сабырлылық пен төзімділік және емделіп шы­ғамын деген шын талабыңыз керек», – дейді алдына келгендерге Берік Тал­ғатұлы.

 Жас хирургтің осылайша өмірден күдерін үзуге шақ қал­ған жүздеген жандардың жанына жі­гер ұялатып, көңіліне қанат бітір­генін ризалықпен айтқымыз ке­леді. Қарағанды мемлекеттік ме­ди­циналық институтын үздік бі­тір­ген жас хирургке қаралуға, емделуге келушілер жалғыз Ас­тана қаласынан ғана емес, Қа­зақ­стан­ның бүкіл аймақтарынан да бар.

– Қай сырқаттың да емі бар. Тек, ең бастысы – уақытын өткі­зіп алмауға тырысу керек. Бізге кейде адамдар ем алу мерзімінің қолайлы уақыттарынан кешігіп келеді. Сонда да, медицинаның ең соңғы жетістіктерін жұмыл­дыра отырып, жазылып кетулері­не жол ашамыз. Өз басым алдыма келген адамдардың көңілін жабырқатқан емеспін. Әрине, ауруы жайында ақиқатын айтамын, бірақ, үмітін үкілеп, жанына ме­деу, жігеріне от тастауды ұмыт­паймын. Егер сырқат жазыларына сенбесе, дәрігердің бүкіл емі еш кетеді. Емдеуші маманның өзі сырқатпен қосыла байбалам салса, нәтиже болмайды, – дейді жас хирург. Оның осы байлам­дарының өзінен-ақ қандай маман екенін аңғаруға болар.

 Беріктің тағы бір қасиеті – мейлінше кішіпейілділігі, мәде­ние­тінің соншалықты жоғары­лығы. Үнемі ізденіс үстіндегі Берік Талғатұлының өз білімі мен тәжірибелерін жетілдіре тү­су жолындағы талмас еңбектері де жас қауымға мектеп.

– Мен өмірден күдерімді үзіп, аяқ астынан тап болған кесе­лімнен енді айықпаспын деп жүргенімде, таныстарымның айтуымен осы жас хирургке алыс­тан ат арытып жеттім. Кейбі­реулердей бәлсінбей, бірден қа­былдап, емдей бастады. Жаныма шипа болар сөздері қандай еді десеңізші, Берік айналайынның. Содан бір жылда құлан-таза жазылып, ауылыма оралдым. Об­лыс­тағы хирургтердің аяғымды кесу керек деген байламын Берік Талғатұлы өзінің сәтті емімен жоққа шығарды. Қазақта осындай өз ісінің шын шеберлерінің болуы мемлекетіміздің де өскен өркенін көрсетеді екен, – дейді жас хирургтің шапағатына бө­ленген қостанайлық ел ағасы.

Білікті басшы Сәуле Дүй­се­бекқызы Қисықова жетекшілік ететін аталған аурухана ұжы­мын­дағы өз мамандығының айтулы шебері атана бастаған жас хирург Берік Қайкенов осы күн­дерде адам ағзасындағы қан тамырларының жаратылыс ерек­ше­ліктері мен тіршіліктік ма­ңызды қызметтерін жақсартудың жолдарына қатысты ғылыми із­деністер үстінде.

– Еліміздің медицина саласы Елбасының қамқорлығының ар­қасында бұрын-соңды болмаған деңгейлерге көтерілді. Астана­дағы емханалар мен аурухана­лардағы әлемдік үлгідегі ең озық техникалық жарақтандыруларға дәрігерлеріміздің біліктіліктері де сай болуда. Ел болашағы – халықтың денсаулығында, – дей­ді астаналық жас хирург.

Айтары жоқ, Елбасымыз өзі­нің «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» атты бағдарламалық мақаласын­да: «Әрбір қазақстандық үшін құндылық – өзінің денсаулығы. Сондықтан да, Тәуелсіздіктің бар­лық жылдарында мен халық ден­саулығына ерекше көңіл бөліп келемін. Бұл тақырып қа­шанда менің бақылауымда», – деп атап көрсетті. Мемлекет бас­шысының халықтың денсаулы­ғын сақтау саласындағы осынау қажырлы еңбегінің ақталуына өзінің білікті маман ретіндегі адал еңбегімен үлес қосып келе жатқан жас хирург Берік Қай­кенов – Тәуелсіз­дігіміз түлет­кен, өсірген, жеткіз­ген өршіл өркен­деріміздің бірі.

Смағұл РАХЫМБЕК,

 журналист.

АСТАНА.