Қоғам • 03 Маусым, 2019

Шаттығы мол шаңырақтар

688 реткөрсетілді

Қазақстандық отбасының жағымды имиджін насихаттауды мақсат еткен «Мерейлі отбасы» ұлттық байқауы дәстүр бойын­ша биыл да жалғасын тапты. Жыл санап мәні мен мағынасы артып келе жатқан байқауға қатысуға Атырау облысынан 108 от­басы өтініш берген. Солардың арасынан 16 от­басы облыстық кезеңге жолдама алды.

Ұрпақтар сабақтастығы – дәс­түр жалғастығы. Облыс орта­лы­ғындағы «Салтанат» сарайы­на жиналған отбасылардың бә­рі­нің де осы құндылықтарға ай­рықша құрметпен қарайтынын аңғардық. Көңіл толқытар сәттер де аз болмады. Облыс әкімінің орынбасары Нұрлан Таубаев байқауға қатысқан әр отбасы – шаңырақ шаттығының жарқын үлгісі екенін атап өтті.

Байқау қорытындысы бойын­ша аймақ басшысының алғыс хаты Семғалиевтер (Атырау), Имашевтар (Жылыой), Тұрсын­баевтар (Индер), Аманбаевтар (Исатай), Ибраевтар (Құрман­ғазы), Доскенжиевтер (Қызыл­қоға), Иманғалиевтар (Мақат), Сама­лықовтар (Махамбет) от­ба­сыларына тапсырылды. Жылыойлық Қабдрахмановтар, қызылқоғалық Араловтар мен мақаттық Жулимановтардың шаңырақтары жүлделі үшінші орынның тұғырынан көрінді. Жаңабаевтар (Атырау), Аманов­тар (Исатай), Түсекеновтер (Ма­хамбет) отбасылары екінші орын­ды жеңіп алды. Ал ұлттық бай­қаудың облыстық кезеңінде құрманғазылық Бақтыгереев пен индерлік Тілекқабыловтардың отбасылары жеңімпаз болып танылды. Нұр-Сұлтан қала­сын­да өтетін республикалық ке­зең­ге өңір атынан нақты қай от­басының баратынын алдағы уа­қытта арнайы құрылған комиссия анықтайды. Жүлдегер екі отбасына да Қостанайдағы «Қарағай орманы» шипажайына жолдама берілді.

Салтанатты шараға ұл-қызда­рымен, немере-шөберелерімен келген отбасылар бақыт пен берекенің ұясына айналған ша­ңы­рақтары жайлы тағылымды әңгімелер айтты.Бақтыгереевтер отбасының алтын діңгегі Меңді­хан аға мен Шаттық апай 53 жыл­дан бері бірге ғұмыр кешіп келеді. Аймаққа ұстаздар әулеті ретінде танымал отбасы мүше­лері білім беру саласында еңбек еткен. Бүгінде алты баласы мен неме­релері де осы ізгі жолды жалғастырып отыр.

Ал екінші жүлдегер Аймекен Тілекқабылова – «Алтын алқа» иегері. 8 баласынан 28 неме­ре, 16 шөбере сүйген ана ұрпақ­тарының ортасында мейі­рім­­нің шуағындай жайлы өмір сүруде. 

Елбасы бастамасымен қолға алынған «Мерейлі отбасы» ұлт­тық байқауы қазақ еліндегі бірлік пен берекеге негізделген, түсіністік пен татулықты темір­қазық қылған жарасымды отба­сылардың жарқын өмірін, бақыт­ты неке құндылықтарын үлгі етуге бағытталған. Ізгі ниеттен туындаған идеяға қолдау көр­сетіп, қатысушылардың саны да жыл санап артып келе жатқаны қуантады.


АТЫРАУ
Баннер
Соңғы жаңалықтар

Тойтөбеге  саяхат 

Аймақтар • Кеше

Ай соңына дейін жұмысын аяқтайды

Аймақтар • 19 Шілде, 2019

Арыс балалары Бөбекте демалады

Аймақтар • 19 Шілде, 2019

Қарсыласы қарымды

Кәсіпқой бокс • 19 Шілде, 2019

Полицей сәбиді құтқарып қалды

Аймақтар • 19 Шілде, 2019

Тандыр наннан шеге шықты

Аймақтар • 19 Шілде, 2019

Аптап ыстықта өрт көбеюі мүмкін

Аймақтар • 19 Шілде, 2019

Игі істің игілігін көруде

Аймақтар • 19 Шілде, 2019

«Жәрдем» жобасының жәрдемі

Аймақтар • 19 Шілде, 2019

Әкімдерге бағаны халық беруі керек

Қазақстан • 19 Шілде, 2019

Ұқсас жаңалықтар