Сайлау • 14 Маусым, 2019

Көкейге қонады

550 рет
көрсетілді
1 мин
оқу үшін

Сайлау алаңында талассыз жеңіске жетіп, барша қазақстандықтардың зор сенімі мен қолдауына ие болған Қазақстан Президенті Қасым-Жомарт Тоқаев ұлықтау рәсімінде еліміздің алдағы даму жолын айқындайтын он бағытты белгілеп берді.

Көкейге қонады

Бәріміздің тілегіміз біреу, ол – ел тыныштығы. Бұл орайда стратегиялық маңызды міндеттерді одан әрі баянды ете отырып, халықтың әл-ауқатын, тұрмысын жақсарту басым бағыттардың бірі болып қала бермек. Мемлекет басшысы қызметке кіріскен күннен бастап ұлттық мүдде мен бір­лікке үлкен мән беретінін, мықты мемлекеттің болашағы нақ осы құндылықтармен тығыз байланысты екенін мә­лімдеді. Халық алдында салтанатты түрде ант бере отырып өзіне жүктелген барлық талаптарды қалтқысыз орындайтынын атап көрсетті.

Алдымызда ауқымды мін­дет­тер тұрғанын жақсы білеміз. Сондықтан тарихқа құрмет­пен қарау, Отанға адал болу, ғылым-білімге ұмты­лыс секілді халқымыздың бойын­дағы асыл қасиеттерді еліміздің ертеңі – жастарға аманаттай біл­сек, бәсекеге қабілеттігіміз артады, бірлігіміз нығаяды. Ең бастысы, қиындықтар мен проблемаларды бірігіп еңсерудің, сын-қатерлерді жеңудің бірыңғай тәжірибесі қалыптасып, өрке­ниетті мемлекеттер қатарына қосылумен қатар, жасампаз өзгерістер күнделікті дағдыға айналары сөзсіз.

«Бақ бағалағанның басында тұрады» деген тамаша сөз бар. Саяси күштердің бел­сене қатысуымен демо­кра­тиялық талаптарға сай өт­кен саяси науқан ортақ мақ­сат жолында жұдырықтай жұ­мыла білетінімізді, елдік мәсе­лелер ешкімді бейжай қал­дырмайтынын көр­сетті. Қоғамды мазалайтын, тол­ған­дыратын проблема­лар­дың шешу жолын ұсынған Прези­денттің нақты бағдар­ламасы бәріміздің көкейімізге қонады.

 

Гүлбақша МҰСАБАЕВА,

«Ұрпақ» қазақ мәдени-ағарту орталығының төрайымы,

Қазақстан халқы Ассамблеясының мүшесі

 Солтүстік Қазақстан облысы