Аймақтар • 25 Маусым, 2019

Құлманбетовтің қызыл алмалары

141 реткөрсетілді

Бүгінде өңірдегі «Жаңа Кемер құрылыс» ЖШС-нің басшысы Көшкінбай Құлманбетовтің бірнеше жыл бұрын өз күшімен салған ауқымды сақтау қоймасы халық қажетін өтеп, жеңсік ас – жеміс-жидектің жаздағыдай жасаң күйінде сақталуын қамтамасыз етіп отыр.

Айта кету керек, мұндай қойма еліміздің екі қаласында – Алматы мен Таразда ғана бар. Кәсіпкер оны «Аграрлық несие корпорациясы» АҚ тарапынан берілген қаражат есебінен тұрғызған. Сақтау қоймасының сыйымдылығы – 2000 тонна. Қазір мұнда сақталып тұрған өнімнің дені өңірдегі алма өсірушілерге тиесілі.

Қойманың заманауи жарақтандырылуының нәтижесінде жеміс-жидек өнімдері мейлінше бабына келтіріліп, қыста да жасаң күйінде сақталады. Әрқайсысының тоңазытатын, ылғал бөлетін, ауыр заттарды бойына сіңіріп алатын ерекшеліктері бар 12 камера өнімді бұзбай сақтайды. Қойма этилен газын көмірқышқыл газымен алмастыратын құрылғылармен де жабдықталған. Әдетте алмадан этилен газы бөлінеді де арнайы құрылғы көмегімен көмірқышқыл газына айналдырылады. Соның әсерімен жеміс «ұйықтау режіміне» көшіріледі, бұл 7-8 ай бойы жалғасады. Кәсіпкердің өзі тұр­ғыз­ған сақтау қоймасы арқылы жергілікті алма өнімдері биыл айтарлықтай төмен бағамен сатылып жатқанын да айта кеткен жөн.

Көшкінбай Құлманбетов аумағы бір жарым гектарлық сақтау алаңында көкөніс пен жеміс-жидек сақтаумен шектелмей, оны өңдеу ісін қолға алуды да ойластыруда. Мұнда кептірілген жемістер, қалбырланған және ұнтақ түріндегі жеміс өнімдері шығарылмақ.

К.Құлманбетов адам үшін ең пайдалы дағды – жергілікті жерде өсірілген экологиялық таза азық-түлік өнімдерін пайдалану екеніне сенімді.

– Бізде тұтыну мәдениеті қалыптаспай отыр. Барлық аурулардың емі, жалпы тіршілігіміздің арқауы – ас. Тұрғындардың денсаулығын қорғайтын басқа емес, өзіміз. Біз болашақта осы өңірде өсірілген көкөніс пен жеміс-жидек өнімдерінен емдік, косметикалық дәрумендер дайындап, оның көмегімен адамдардың емделуіне айтарлықтай көмегімізді тигізе аламыз, – дейді ол.

Серіктестіктің басшысы осылай көкөніс пен жеміс-жидек өнімдеріне халықтың қыста да тарықпай, дастарқандарынан жеңсік асты үзбеуіне септесіп отыр.

 

Баймаханбет АХМЕТ,

журналист

 ТАРАЗ

 

Баннер
Соңғы жаңалықтар

Ең қысқа әңгіме. Данияр Саламат

Ең қысқа әңгіме • Кеше

Ең қысқа әңгіме. Нұрболат Аманжол

Ең қысқа әңгіме • Кеше

Ең қысқа әңгіме. Ерболат Қуатбек

Ең қысқа әңгіме • Кеше

Нұрлыбектің домбырасы

Руханият • Кеше

«ХАТ ҚОРЖЫН»

Қазақстан • Кеше

Күлкі керуені

Руханият • Кеше

Қыз әулие

Руханият • Кеше

Қайталанбас қымыз дәмі

Қазақстан • Кеше

Рухани жаңғырған ауыл

Руханият • Кеше

Ұқсас жаңалықтар