Саясат • 26 Маусым, 2019

Парламент депутаттары халықпен кездесу үшін Арысқа аттанды

203 реткөрсетілді

Мәжіліс Төрағасы Нұрлан Нығматулин оқ-дәрі базасында болған жарылыстар нәтижесінде зардап шеккен Арыс тұрғындарына көмек көрсету үшін жиналған барлық қазақстандықтардың бірлігін атап өтті. Бұл туралы Парламент Мәжілісінің баспасөз қызметі хабарлады.

Бүгін Палатаның жалпы отырысын ашқан Мәжіліс Төрағасы барлық депутаттық корпустың атынан зардап шеккендердің отбасыларына көңіл айтып, төтенше жағдай кезінде зардап шеккендерге қолдау білдірді. 

- Баршаңызға белгілі, осы күндері бүкіл қазақстандықтар, бір ел болып, бір халық болып, Арыс қаласы тұрғындарына қолдан келген көмекті көрсетуде. Соның ішінде, Мәжіліс депутаттары да бірінші күннен бері осы оқиғадан тыс қалған жоқ. Депутаттар өздерінің бір күндік жалақысын арнайы көмек көрсету қорына аударды, – деді Палата Спикері. 

Сондай-ақ Мәжіліс Төрағасы 25 маусымнан бастап бір топ депутаттардың халықпен кездесуі үшін Арыс қаласына жол жүріп кеткенін айтты.

- Баршамыздың ниетіміз осы Арыс қаласының тезірек қалпына келіп, тұрғындар жағдайының тезірек жақсаруы біздің ендігі тілегіміз, - деді Н. Нығматулин.

Баннер
Соңғы жаңалықтар

Қарсыласы қарымды

Кәсіпқой бокс • Кеше

Тандыр наннан шеге шықты

Аймақтар • Кеше

«Jastar kerýeni» жолға шығады

Аймақтар • Кеше

Майдан тудырған сөз

Руханият • Кеше

Ұқсас жаңалықтар